వివేచనతో సువార్త ప్రకటించండి

¹ వేర్వేరు నమ్మకాల, నేపథ్యాల ప్రజలకు సువార్త ప్రకటిస్తున్నప్పుడు వివేచన ఉపయోగించడం ఎంత అవసరమో అపొస్తలుడైన పౌలు నొక్కిచెప్పాడు. ఈ రోజుల్లో కొందరు, దేవుని మీద నమ్మకం ఉందని చెప్పుకుంటారు. ఇంకొందరికి దేవుడన్నా, మతమన్నా ఏమాత్రం ఆసక్తి ఉండదు. అయితే మనం సువార్త ప్రచారకులం కాబట్టి, “అన్ని” రకాల ప్రజలకు నచ్చేలా రాజ్య సందేశాన్ని ప్రకటించాలి. అందుకు వివేచన ఉపయోగించాలి.—1 కొరిం. 9:19-23.

² పరిచర్యలో, ఇంటివాళ్ల అభిరుచులకు తగినట్లు మన మాటల్ని మలచుకోవాలంటే వివేచన కావాలి. అలా మలచుకోవాలంటే మనం చక్కగా సిద్ధపడాలి. అందుబాటులో ఉన్న పుస్తకాలు, పత్రికల్లోని వివిధ అంశాల గురించి బాగా తెలుసుకొనివుంటే, ప్రజలకు ఎన్నో రకాలుగా సువార్తను పరిచయం చేయవచ్చు. వృద్ధులు, యౌవనులు, కుటుంబ పెద్దలు, గృహిణులు, పనిచేసే స్త్రీల వంటి రకరకాల వాళ్లను మనం కలుస్తాం. ప్రకటిస్తున్నప్పుడు వాళ్లవాళ్ల పరిస్థితులను మనసులో ఉంచుకొని వాళ్లకు నచ్చే సమాచారం గురించి మాట్లాడాలంటే, వివేచన కావాలి.

³ మీరు ఒక ఇంటికి వెళ్లినప్పుడు, అక్కడి పరిసరాలను గమనించండి. అలాచేస్తే, ఇంటివాళ్లకు పిల్లలున్నారా? వాళ్లు ఏ మతస్థులు? ఇంటిని చక్కదిద్దుకోవడమంటే వాళ్లకు ఇష్టమా? లాంటి విషయాలు మీకు అర్థంకావచ్చు. అప్పుడు మీరు వాళ్ల పరిస్థితులకు, అభిరుచులకు తగినట్లు మాట్లాడగలుగుతారు. వివేచనతో నేర్పుగా ప్రశ్నలు అడుగుతూ, వాళ్లు మాట్లాడుతున్నప్పుడు జాగ్రత్తగా వింటే వాళ్ల నమ్మకాలు, మనోభావాలు మీకు తెలుస్తాయి. దానివల్ల, చర్చను ఎలా కొనసాగిస్తే బావుంటుందో మీకు అర్థమౌతుంది.

⁴ మనం యెహోవా సేవ కోసం ముందుగా సిద్ధపడి, వివేచన చూపిస్తే అపొస్తలుడైన పౌలులాగే ఇలా అనగలుగుతాం: “ఏ విధముచేతనైనను కొందరిని రక్షింపవలెనని అందరికి అన్నివిధముల వాడనైయున్నాను.”—1 కొరిం. 9:22; సామె. 19:8.