ఆర్థిక సమస్యలు—దేవుని రాజ్యం ఏం చేస్తుంది?

ప్రపంచంలో చాలామంది ఎంత కష్టపడినా, తమ కనీస అవసరాలకు సరిపడా డబ్బును సంపాదించలేకపోతున్నారు. ఈ సమస్య రోజురోజుకీ పెరిగిపోతోంది.

• ఈమధ్యే వచ్చిన ఒక గ్లోబల్‌ రిపోర్ట్‌,a “ప్రజల నెలసరి జీతం బాగా తగ్గిపోయింది” అని చెప్తోంది. ఈ సమస్యను పరిష్కరించకపోతే ధనవంతులు-పేదవాళ్ల మధ్య తేడా ఇంకా పెరిగిపోతుంది, చాలీచాలని డబ్బులతో తమ కుటుంబాన్ని నెట్టుకురావల్సిన పరిస్థితి చాలామందికి వస్తుందని కూడా ఆ రిపోర్ట్‌ హెచ్చరించింది.

ప్రభుత్వాలు ఈ ఆర్థిక సమస్యల్ని పరిష్కరించగలుగుతాయా? కనీసం తగ్గించగలుగుతాయా?

ధనవంతులు-పేదవాళ్లు అనే తేడాల్ని తీసేయడంతో పాటు, ఆర్థిక సమస్యలన్నీ పరిష్కరించే ఒక ప్రభుత్వం గురించి బైబిలు చెప్తోంది. భూమ్మీదున్న వాళ్లందరి బాగోగుల్ని చూసుకోవడానికి “పరలోకంలో ఉన్న దేవుడు ఒక రాజ్యాన్ని (లేదా, ప్రభుత్వాన్ని) స్థాపిస్తాడు” అని బైబిలు చెప్తోంది. (దానియేలు 2:44) ఆ ప్రభుత్వం ప్రతీ ఒక్కర్ని పట్టించుకుంటుంది, ఎవ్వర్నీ నిర్లక్ష్యం చేయదు. (కీర్తన 9:18) అప్పుడు ప్రజలందరూ సంతోషంగా ఉంటారు. ప్రతీ ఒక్కరు తమ కష్టానికి తగిన ఫలితాన్ని పూర్తిగా ఆనందిస్తారు.—యెషయా 65:21, 22.