శాస్త్రవేత్తలు డూమ్స్‌డే క్లాక్‌ను ముందుకు జరిపారు—బైబిలు ఏం చెప్తోంది?

శాస్త్రవేత్తలు 2023 జనవరి 24న, లోకాంతానికి సూచనగా ఉన్న డూమ్స్‌డే క్లాక్‌నుa అర్థరాత్రికి మరింత దగ్గరగా జరిపారు.

• “మానవజాతి మీదికి ముంచుకొస్తున్న పెనుముప్పుకు సూచనే ‘డూమ్స్‌ డే క్లాక్‌.’ యుక్రెయిన్‌ యుద్ధం, అణ్వాయుధ యుద్ధ భయం, వాతావరణంలో చోటుచేసుకుంటున్న విపరీత మార్పుల్ని దృష్టిలో పెట్టుకుని మంగళవారం రోజున ఈ క్లాక్‌ను అర్థరాత్రికి మరింత దగ్గరగా జరిపారు.”—AFP ఇంటర్నేషనల్‌ టెక్‌స్ట్‌ వైర్‌.

• “మంగళవారం రోజున ’డూమ్స్‌ డే క్లాక్‌ను’ అర్ధరాత్రికి 90 సెకండ్ల దూరంలో సెట్‌ చేశారని శాస్త్రవేత్తలు ప్రకటించారు. అంటే మానవజాతి పూర్తిగా నాశనం అవ్వడానికి ఇంతకుముందు కన్నా మరింత దగ్గరగా ఉంది.”—ABC న్యూస్‌.

• “మానవజాతి ఉనికి ముందెప్పటి కన్నా ఇప్పుడు ఎక్కువ ప్రమాదంలో ఉందని ఒక అంతర్జాతీయ శాస్త్రవేత్తల బృందం హెచ్చరించింది.”—ది గార్డియన్‌.

మానవజాతి అలాగే ఈ భూమి త్వరలో నాశనం అయిపోతాయా? భవిష్యత్తు గురించి మనం భయపడాలా? బైబిలు ఏం చెప్తోంది?

భవిష్యత్తులో అసలేం జరుగుతుంది?

బైబిలు ప్రకారం, “భూమి ఎప్పటికీ నిలిచివుంటుంది,” అలాగే ప్రజలు దానిమీద “శాశ్వతంగా జీవిస్తారు.” (ప్రసంగి 1:4; కీర్తన 37:29) కాబట్టి మనుషులు భూమిని నాశనం చేయలేరు, లేదా మనుషులు జీవించడానికి వీల్లేనంతగా దాన్ని పాడుచేయలేరు.

అయితే, బైబిలు ఒక అంతం గురించి మాట్లాడుతోంది. ఉదాహరణకు, బైబిలు ‘లోకం . . . నాశనం కాబోతుంది’ అని చెప్తుంది.—1 యోహాను 2:17.

• ఈ లోకం నాశనం కాబోతుంది అని బైబిల్లో ఉన్న మాటలకి అర్థం ఏంటో తెలుసుకోవడానికి, “లోకం త్వరలో అంతం కాబోతుందా? లోకాంతం అంటే ఏమిటి?” అనే ఆర్టికల్‌ చదవండి.

• త్వరలో ప్రపంచవ్యాప్తంగా జరగబోయే సంఘటనలు ఎప్పుడు జరుగుతాయో అర్థంచేసుకోవడానికి, “లోకం ఎప్పుడు అంతమౌతుంది?” అనే ఆర్టికల్‌ చదవండి.

పాజిటివ్‌గా ఉండండి

ప్రపంచంలో ఇన్ని సమస్యలు ఉన్నా, ప్రశాంతంగా ఉండేలా బైబిలు మనకు సహాయం చేస్తుంది. ఎలా?

• బైబిలు మనం పాటించదగిన సలహాల్ని ఇస్తుంది. (2 తిమోతి 3:16, 17) ఉదాహరణకు, మీ జీవితంలో ఎన్ని సమస్యలు ఉన్నా, పాజిటివ్‌గా ఉండడానికి బైబిలు ఎలా సహాయం చేస్తుందో తెలుసుకోవాలంటే, ఇంగ్లీష్‌లో ఉన్న “ఆందోళన ఎలా తగ్గించుకోవాలి?” అనే ఆర్టికల్‌ చదవండి.

• బైబిలు భవిష్యత్తు గురించి ఒక మంచి ఆశను ఇస్తుంది. (రోమీయులు 15:4) అంతేకాదు, ఇప్పుడూ అలాగే భవిష్యత్తులో ఏం జరుగుతుందో స్పష్టంగా చెప్తుంది. దానివల్ల ముందుముందు ఎలాంటి సంఘటనలు జరిగినా సరే ధైర్యంగా ఉండగల్గుతాం.

బైబిల్లో ఉన్న విషయాల్ని ఇంకా ఎక్కువ తెలుసుకోవడానికి, యెహోవాసాక్షులు ఇచ్చే బైబిలు స్టడీ కోర్సు తీసుకోమని మిమ్మల్ని ఆహ్వానిస్తున్నాం.