బైబిల్లో ఉన్న పదచిత్రాల్ని అర్థం చేసుకోండి

బైబిల్లో వందల కొద్దీ పదచిత్రాలు ఉన్నాయి. కానీ బైబిలు చదివే చాలామంది, వాటిని అర్థం చేసుకోవడానికి కుస్తీలుపడుతూ ఉంటారు. (మత్త. 13:13) మరి వాటిని సరిగ్గా అర్థం చేసుకోవడానికి మీకు ఏది సహాయం చేస్తుంది? ఇలా చేసి చూడండి:

• దేన్ని దేనితో పోలుస్తున్నారో గమనించండి. పదచిత్రాలు ఒక విషయాన్ని ఇంకో విషయంతో పోలుస్తాయి. ఉదాహరణకు, ప్రకటన 3:3 యేసు రావడాన్ని (ఉపమేయం/topic) ఒక దొంగ రావడంతో (ఉపమానం/image) పోలుస్తుంది.

• పోలికను గుర్తుపట్టండి. ఆ రెండు విషయాల్ని ఎందుకు పోల్చారో, వాటి మధ్య ఉన్న పోలికలు ఏంటో గుర్తుపట్టండి.

• సరిగ్గా అర్థం చేసుకోండి. కొన్నిసార్లు పోలికల్ని మనం తప్పుగా అర్థం చేసుకోవచ్చు. పైన ఉదాహరణలో, యేసు ఒక దొంగలా వస్తాడని చూశాం. అంటే యేసు దేన్నో దొంగతనం చేయడానికి వస్తాడని కాదుగానీ, ఆయన ఎవరూ అనుకోని సమయంలో, ఎవరికీ చెప్పకుండా వస్తాడని అర్థం.