ఎల్లప్పుడూ సంతోషంగా జీవించండి! అనే కొత్త పనిముట్టును మీ పరిచర్యలో ఉపయోగించండి

బైబిలు అధ్యయనాలు చేయడానికి ఒక కొత్త బ్రోషురు అలాగే పుస్తకం అందుబాటులోకి వచ్చినందుకు మనకెంత సంతోషంగా ఉందో కదా! ఎక్కువమందిని శిష్యులుగా తయారుచేయడానికి మనం చేసే కృషిని ఆశీర్వదించమని యెహోవాకు ప్రార్థిద్దాం. (మత్త 28:18-20; 1కొ 3:6-9) ఈ కొత్త పనిముట్లను మనం ఎలా ఉపయోగిస్తాం?

ఎల్లప్పుడూ సంతోషంగా జీవించండి!—దేవుడు చెప్పేది తెలుసుకోండి అనే పనిముట్టును ఉపయోగిస్తున్నప్పుడు కొత్త పద్ధతిలో బోధిస్తాం కాబట్టి, బైబిలు అధ్యయనాల కోసం సిద్ధపడడానికి అలాగే వాటిని చేయడానికి ఈ నిర్దేశాలను పాటించండి.a

• సమాచారాన్ని చదవండి, ఆ తర్వాత ప్రశ్నల్ని చర్చించండి

• “చదవండి” అని ఉన్న లేఖనాల్ని చదివాక, వాటిని ఎలా అన్వయించుకోవచ్చో అర్థం చేసుకోవడానికి విద్యార్థికి సహాయం చేయండి

• వీడియోలను చూపించండి, ఆ తర్వాత అక్కడ ఇచ్చిన ప్రశ్నల్ని చర్చించండి

• పాఠం మొత్తాన్ని ఒకేసారి పూర్తి చేయడానికి ప్రయత్నించండి

పరిచర్యలో, ఒక వ్యక్తికి ఆసక్తి ఉందో లేదో తెలుసుకోవడానికి ముందు బ్రోషురును ఇవ్వండి. (“ఎల్లప్పుడూ సంతోషంగా జీవించండి! బ్రోషురును మొదటిసారి కలిసినప్పుడు ఎలా ఇవ్వవచ్చు?” అనే బాక్సు చూడండి.) బ్రోషురు నుండి స్టడీ పూర్తి అయిపోయి విద్యార్థి ఇంకా నేర్చుకోవాలని అనుకుంటే ఎల్లప్పుడూ సంతోషంగా జీవించండి! పుస్తకాన్ని ఇచ్చి 4వ పాఠం నుండి స్టడీ మొదలుపెట్టండి. ఒకవేళ మీరు ఇప్పటికే, మనం నేర్చుకోవచ్చు లేదా దేవుని ప్రేమలో ఎప్పటికీ నిలిచివుండండి పుస్తకాల నుండి స్టడీ చేస్తుంటే, వాటిని ఆపి ఎల్లప్పుడూ సంతోషంగా జీవించండి! పుస్తకంలో ఎక్కడ నుండి మొదలుపెట్టాలో మీరే నిర్ణయించుకోండి.

బైబిలు స్టడీకి స్వాగతం వీడియో చూడండి, తర్వాత ఈ ప్రశ్నలకు జవాబు చెప్పండి:

• ఈ కొత్త పుస్తకం నుండి విద్యార్థులు ఏం నేర్చుకుంటారు?

• ఈ వీడియోను కొత్త విద్యార్థులకు ఎందుకు చూపించాలి?

• స్టడీ కొనసాగుతుండగా విద్యార్థి ఏ లక్ష్యాలు పెట్టుకొని చేరుకునేలా మీరు ప్రోత్సహించాలి?—“ప్రతీ సెక్షన్‌కు సంబంధించిన ముఖ్యాంశం, లక్ష్యాలు” అనే చార్టు చూడండి