పవిత్ర ప్రవర్తన, ప్రగాఢ గౌరవం మీ వివాహజతను సత్యం వైపు నడిపిస్తాయి

విశ్వాసంలోకి వచ్చిన చాలామంది స్త్రీలు క్రీస్తులాంటి ప్రవర్తన ద్వారా తమ భర్తల్ని సత్యంలోకి తీసుకొస్తారు. కానీ అందుకోసం వాళ్లు ఎన్నో సంవత్సరాలు కష్టాల్ని సహించాల్సి రావచ్చు. (1 పేతు 2:21-23; 3:1, 2) మీరు అన్యాయంగా కష్టాల్ని అనుభవిస్తున్నట్లయితే, మంచి చేసి చెడు మీద విజయం సాధిస్తూ ఉండండి. (రోమా 12:21) కేవలం మాటల ద్వారా సాధించలేని దాన్ని మీ మంచి ప్రవర్తన ద్వారా సాధించవచ్చు, మీ భర్తను సత్యం వైపు నడిపించవచ్చు.

పరిస్థితిని మీ భర్త లేదా భార్య దృష్టితో చూడడానికి ప్రయత్నించండి. (ఫిలి 2:3, 4) సహానుభూతిని, కనికరాన్ని చూపించండి, మీ బాధ్యతల్ని గౌరవంగా నెరవేర్చడానికి శాయశక్తులా కృషి చేయండి. చక్కగా వినండి. (యాకో 1:19) సహనంతో ఉండండి, మీరు మీ భర్తను ప్రేమిస్తున్నారనే భరోసాను ఇవ్వండి. మీరు చూపించేలాంటి దయను, గౌరవాన్ని మీ వివాహజత మీపై ఎన్నడూ చూపించకపోయినా, మీరు నమ్మకంగా ఉంటున్నందుకు యెహోవా మిమ్మల్ని ఎంతో విలువైనవాళ్లుగా చూస్తాడనే ధైర్యంతో ఉండండి.—1 పేతు 2:19, 20.

భారాల్ని మోసేలా యెహోవా మనల్ని బలపరుస్తాడు వీడియో చూడండి, తర్వాత ఈ ప్రశ్నలకు జవాబులు చెప్పండి:

• పెళ్లయిన కొత్తలో గ్రేస్‌ లీ జీవితం ఎలా ఉండేది?

• ఏది ఆమెను బైబిలు సత్యం వైపుకు ఆకర్షించింది?

• బాప్తిస్మం తీసుకున్న తర్వాత వచ్చిన కష్టాల్ని సహోదరి లీ ఎలా తట్టుకుంది?

• తన భర్త గురించి సహోదరి లీ ఏమని ప్రార్థన చేసేది?

• తన పవిత్ర ప్రవర్తన, ప్రగాఢ గౌరవం ద్వారా సహోదరి లీ ఏ ఆశీర్వాదాలు పొందింది?