యెహోవాను ప్రేమించేవాళ్లతో సమయం గడపండి

మనం యెహోవాను ప్రేమించేవాళ్లతో ఎందుకు సమయం గడపాలి? ఎందుకంటే, మనం ఎవరితో ఎక్కువగా సమయం గడుపుతామో, వాళ్లు మనల్ని మంచి చేసేలా లేదా చెడు చేసేలా ప్రభావితం చేస్తారు. (సామె 13:20) ఉదాహరణకు, రాజైన యోవాషు ప్రధాన యాజకుడైన యెహోయాదాతో సమయం గడిపినంత కాలం “యెహోవా దృష్టికి యథార్థముగా ప్రవర్తించెను” అని బైబిలు చెప్తుంది. (2 దిన 24:2) యెహోయాదా చనిపోయాక యోవాషుకున్న చెడ్డ స్నేహితుల వల్ల ఆయన యెహోవాను విడిచిపెట్టాడు.—2 దిన 24:17-19.

మొదటి శతాబ్దంలో, అపొస్తలుడైన పౌలు క్రైస్తవ సంఘాన్ని ఒక ‘గొప్ప ఇంటితో,’ సంఘంలో ఉన్న సభ్యులను ‘పాత్రలతో’ లేదా ఇంట్లో వాడే వస్తువులతో పోల్చాడు. మనం యెహోవాకు ఇష్టంలేని పనులు చేసే ఎవ్వరితోనూ, వాళ్లు కుటుంబ సభ్యులైనా, సంఘంలో వాళ్లైనా స్నేహం చేయకూడదు. అప్పుడే మనం “ప్రాముఖ్యమైన పనులకు ఉపయోగపడే పనిముట్టుగా” ఉంటాం. (2 తిమో 2:20, 21) కాబట్టి, యెహోవాను ప్రేమించేవాళ్లతో, ఆయన సేవ చేసేలా మనల్ని ప్రోత్సహించేవాళ్లతో స్నేహం చేయాలని నిశ్చయించుకుందాం.

చెడు స్నేహాలకు దూరంగా ఉండడం నేర్చుకోండి వీడియో చూసి, ఈ ప్రశ్నలకు జవాబులు చెప్పండి:

• చెడు ప్రభావం చూపించేవాళ్లతో మనకు తెలియకుండానే మనం ఎలా సమయం గడిపే అవకాశం ఉంది?

• చెడు స్నేహాలకు దూరంగా ఉండడానికి, వీడియోలో చూపించిన ముగ్గురు క్రైస్తవులకు ఏది సహాయం చేసింది?

• ఎవరితో స్నేహం చేయాలో తెలివిగా నిర్ణయించుకోవడానికి ఏ బైబిలు సూత్రాలు మీకు సహాయం చేయగలవు?