పరిచర్యలో నైపుణ్యాలు మెరుగు పర్చుకుందాం—మంచివార్త బ్రోషుర్‌తో బైబిలు అధ్యయనం మొదలుపెట్టండి

ఎందుకు ప్రాముఖ్యం? శిష్యులను చేయాలంటే, మనం దేవుని వాక్యాన్ని బోధించాలి. (మత్త. 28:19, 20) మన దగ్గరున్న ప్రచురణలను ఉపయోగించి మనందరం సత్యాన్ని చక్కగా బోధించవచ్చు. ఇతరులకు సత్యం గురించి నేర్పించడానికే దేవుడు చెబుతున్న మంచివార్త! బ్రోషురును తయారు చేశారు. మనం ఇంటివాళ్లను మొదటిసారి కలుసుకున్నప్పుడు ఈ బ్రోషురు సహాయంతో బైబిలు అధ్యయనం మొదలుపెట్టవచ్చు.

ఈ నెలలో దీన్ని ప్రయత్నించండి:

బైబిలు అధ్యయనం చేయాలనే కోరిక మీలో కలగాలని ప్రార్థించండి. బైబిలు అధ్యయనం మొదలుపెట్టడానికి, సత్యాన్ని సమర్థవంతంగా నేర్పించడానికి సహాయం చేయమని యెహోవాను బ్రతిమాలండి.—ఫిలి. 2:13.
కుటుంబ ఆరాధనలో లేదా వ్యక్తిగత అధ్యయనంలో ఈ బ్రోషురును ఎలా ఇవ్వాలో బాగా ప్రాక్టీస్‌ చేయండి. దానివల్ల, మీరు మంచి ఆత్మవిశ్వాసంతో మాట్లాడి, బైబిలు అధ్యయనం మొదలుపెట్టగలరు.

ఒక జాగ్రత్త: వేరేవాళ్లు మిమ్మల్ని గమనిస్తున్నారు అని మీకు అనిపిస్తే, గుమ్మం దగ్గర ఎక్కువసేపు మాట్లాడకపోవడం మంచింది.

ఇంటింటికి వెళ్తున్నప్పుడు:

“ఈ లోకం ముందుముందు ఏమైపోతుందోనని చాలామంది చింతిస్తున్నారు. మీకేమనిపిస్తుంది? ఈ పరిస్థితులు ఎప్పటికైనా మారతాయా? [వాళ్లేమి చెప్తారో వినండి.] పరిస్థితులు మారతాయనే మంచి వార్తను తెలుసుకుని చాలామంది ఆశ్చర్యపోయారు. ఈ విషయం గురించి బైబిల్లో ఉన్న మంచి సమాచారాన్ని మీకు చూపించవచ్చా? [ఇంటివాళ్లు ఒప్పుకుంటే మాటలు కొనసాగించండి.] కొన్ని ప్రశ్నలకు బైబిలు ఇచ్చే జవాబులు ఇక్కడున్నాయి చూడండి.” ఇంటివాళ్లకు బ్రోషురు ఇచ్చి, వెనకున్న ప్రశ్నల్లో వాళ్లకు నచ్చిన ప్రశ్నను ఎంపిక చేసుకోమని చెప్పండి. వాళ్లు చూపించిన పాఠానికి తెరిచి, కొంత భాగాన్ని చర్చించండి. ఆ పాఠంలో తర్వాతి ప్రశ్నను ఈసారి వచ్చి చర్చించుకోవడానికి ఏర్పాట్లు చేసుకోండి.