సృష్టికర్త ఏం చెప్తున్నాడో మీరు కూడా తెలుసుకోవచ్చు

బైబిల్లో ఉన్న విషయాలన్నీ దేవుడే రాయించాడు. అలాగని ఎలా చెప్పవచ్చు? కొన్ని వేల సంవత్సరాల క్రితం, దేవుడు తన ఆలోచనల్ని కొంతమంది మనసుల్లో ఉంచాడు, వాటినే వాళ్లు రాశారు. వాళ్లు రాసిన విషయాలన్నిటినీ ‘దేవుడే ప్రేరేపించాడు.’—2 తిమోతి 3:16.

మీకు తెలుసా?

66

చిన్న పుస్తకాలు బైబిల్లో ఉన్నాయి.
40

మంది మనుషుల్ని ఉపయోగించి దేవుడు బైబిల్ని రాయించాడు.
క్రీస్తు పూర్వం 1513

ఈ సంవత్సరంలో బైబిల్ని రాయడం మొదలుపెట్టారు. అంటే 3,500 కన్నా ఎక్కువ సంవత్సరాల క్రితం అన్నమాట!
3,000 కన్నా ఎక్కువ

భాషల్లో పూర్తి బైబిలు లేదా అందులోని కొన్ని పుస్తకాలు అందుబాటులో ఉన్నాయి.

మీరు వాటిని తెలుసుకోవాలని దేవుడు కోరుకుంటున్నాడు

“యెహోవా అనే నేనే . . . నీకు ప్రయోజనం కలిగేలా నేనే నీకు బోధిస్తున్నాను, నువ్వు నడవాల్సిన దారిలో నేనే నిన్ను నడిపిస్తున్నాను. నువ్వు నా ఆజ్ఞల్ని శ్రద్ధగా వింటే ఎంత బావుంటుంది! అప్పుడు నీ శాంతి నదిలా, నీ నీతి సముద్ర తరంగాల్లా ఉంటుంది.”—యెషయా 48:17, 18.

మనం ఎప్పుడూ మనశ్శాంతితో సంతోషంగా జీవించాలని దేవుడు కోరుకుంటున్నాడు. అందుకే, అలా ఉండాలంటే ఏం చేయాలో ఆయన మనకు చెప్తున్నాడు.

దేవుడు రాయించిన విషయాల్ని తెలుసుకోండి

‘అన్నిదేశాల్లో మంచివార్త ప్రకటించబడాలి.’—మార్కు 13:10.

ఆ “మంచివార్త” ఏంటంటే, దేవుడు త్వరలో మన కష్టాలన్నీ తీసేస్తాడు, ఈ భూమిని అందమైన తోటలా మారుస్తాడు, చనిపోయిన మనవాళ్లను తిరిగి బ్రతికిస్తాడు. యెహోవాసాక్షులు ఈ మంచివార్తనే ప్రపంచంలో అందరికీ చెప్తున్నారు.

బైబిలు చదివాక నా ప్రశ్నకు జవాబు దొరికింది

“సృష్టికర్త ఎవరు అనే ప్రశ్న నా మనసులో చిన్నప్పటినుండి ఉండేది. ఎందుకంటే ప్రతీ దేశంలో ఎవరికి నచ్చిన దేవుణ్ణి వాళ్లు నమ్ముతారు. కానీ కొంతమందికి ఒక దేవుడు, ఇంకొంతమందికి వేరే దేవుడు ఉండడం అసాధ్యం కదా! బైబిలు చదివాక నాకు అర్థమైంది ఏంటంటే, నిజమైన దేవుడు ఒక్కడే ఉన్నాడు, ఆయనే అన్నీ సృష్టించాడు. ఏదో ఒక్క దేశంవాళ్లకు కాదుగానీ, అన్ని దేశాలవాళ్లకు ఆయనే దేవుడని అర్థంచేసుకున్నాను. (రోమీయులు 3:29) ఆయన పేరు యెహోవా. ఈ విషయాలన్నీ తెలుసుకున్నాక చాలా సంతోషంగా అనిపించింది. మనం తనకు దగ్గరవ్వాలని, తనతో స్నేహం చేయాలని యెహోవా కోరుకుంటున్నాడు.”—రాకేశ్‌.