యెహోషువ

15 యూదా గోత్రంవాళ్ల కుటుంబాలకు కేటాయించిన* భూమి ఎదోము+ సరిహద్దు వరకు అంటే సీను ఎడారి వరకు, దక్షిణాన నెగెబు చివరివరకు ఉంది. 2 వాళ్ల దక్షిణ సరిహద్దు ఉప్పు సముద్రం* చిట్టచివర నుండి, అంటే దక్షిణం వైపున్న దాని అఖాతం నుండి మొదలైంది. 3 అది దక్షిణం వైపు అక్రబ్బీము పర్వత మార్గం+ వరకు సాగి సీను మీదుగా విస్తరించింది; తర్వాత దక్షిణం నుండి కాదేషు-బర్నేయ వరకు,+ హెస్రోను మీదుగా అద్దారు వరకు, అక్కడి నుండి కర్కాయు వైపు తిరిగింది. 4 అక్కడి నుండి అస్మోను+ మీదుగా ఐగుప్తు వాగు* వరకు+ విస్తరించి, సముద్రం* దగ్గర ఆగిపోయింది. ఇది వాళ్ల దక్షిణ సరిహద్దు.

5 తూర్పు సరిహద్దు యొర్దాను చివరి వరకు ఉన్న ఉప్పు సముద్రం;* ఉత్తరం వైపు మూలన ఉన్న సరిహద్దు ఏదంటే, యొర్దాను చివర్లో ఉన్న సముద్ర తీరం. 6 ఆ సరిహద్దు బేత్‌-హోగ్లా వరకు, అక్కడి నుండి బేతరాబా ఉత్తరం వైపుగా సాగి, రూబేను కుమారుడైన బోహను రాయి వరకు వ్యాపించింది. 7 ఆ సరిహద్దు ఆకోరు లోయ+ దగ్గర ఉన్న దెబీరు వరకు విస్తరించి, అక్కడి నుండి ఉత్తరంగా గిల్గాలు+ వైపు తిరిగింది. వాగుకు దక్షిణాన ఉన్న అదుమ్మీముకు ఎక్కే మార్గానికి ఎదురుగా గిల్గాలు ఉంది; సరిహద్దు అక్కడి నుండి ఏన్షెమెషు+ నీళ్ల మీదుగా సాగి ఏన్రోగేలు+ దగ్గర ఆగింది. 8 ఆ సరిహద్దు బెన్‌హిన్నోము* లోయ+ మీదుగా దక్షిణాన యెబూసీయుల+ ఏటవాలు ప్రాంతం వరకు, అంటే యెరూషలేము+ వరకు కొనసాగి, అక్కడి నుండి పడమటి వైపు హిన్నోము లోయకు ఎదురుగా ఉన్న పర్వత శిఖరం వరకు వ్యాపించింది. అది ఉత్తరం వైపు రెఫాయీము లోయ చిట్టచివరన ఉంది. 9 ఆ సరిహద్దు పర్వత శిఖరం నుండి నెఫ్తోయ నీళ్ల ఊట వరకు,+ ఎఫ్రోను పర్వతం మీద ఉన్న నగరాల వరకు విస్తరించింది; అక్కడి నుండి బాలా వరకు, అంటే కిర్యత్యారీము+ వరకు విస్తరించింది. 10 అది బాలా మీదుగా దాని పడమటి వైపు ఉన్న శేయీరు పర్వతానికి, అక్కడి నుండి ఉత్తరాన యారీము పర్వత ఏటవాలు ప్రాంతానికి, అంటే కెసాలోనుకు వ్యాపించి, అక్కడి నుండి కింద ఉన్న బేత్షెమెషు+ మీదుగా తిమ్నా+ వరకు విస్తరించింది. 11 అక్కడి నుండి ఉత్తరం వైపు ఎక్రోను+ ఏటవాలు ప్రాంతం వరకు, అక్కడి నుండి షిక్రోను వరకు సాగి బాలా పర్వతం మీదుగా యబ్నెయేలు వరకు విస్తరించి సముద్రం దగ్గర ఆగింది.

12 వాళ్ల పడమటి సరిహద్దు మహా సముద్రం,*+ దాని తీరం. యూదా వంశస్థులకు వాళ్లవాళ్ల కుటుంబాల ప్రకారం అన్నివైపులా ఉన్న సరిహద్దులు ఇవే.

13 యెహోవా యెహోషువకు ఆజ్ఞాపించినట్టే, అతను యెఫున్నె కుమారుడైన కాలేబుకు+ యూదా వంశస్థుల మధ్య ఒక భాగం ఇచ్చాడు. అతనికి కిర్యతర్బాను (అర్బా అనాకీము ప్రజల తండ్రి), అంటే హెబ్రోనును+ ఇచ్చాడు. 14 కాబట్టి అనాకు ముగ్గురు కుమారులైన షేషయి, అహీమాను, తల్మయిలను+ కాలేబు అక్కడి నుండి వెళ్లగొట్టాడు.+ వాళ్లు అనాకు వంశస్థులు. 15 తర్వాత కాలేబు అక్కడి నుండి వెళ్లి దెబీరు (దెబీరుకు అంతకుముందు కిర్యత్సేఫెరు అనే పేరు ఉండేది) నివాసులతో యుద్ధం చేశాడు.+ 16 అప్పుడు కాలేబు ఇలా అన్నాడు: “కిర్యత్సేఫెరు మీద దాడిచేసి దాన్ని స్వాధీనం చేసుకునే వ్యక్తికి నా కూతురు అక్సాను ఇచ్చి పెళ్లి చేస్తాను.” 17 అప్పుడు కాలేబు సహోదరుడైన కనజు కుమారుడు ఒత్నీయేలు+ దాన్ని స్వాధీనం చేసుకున్నాడు. కాబట్టి, కాలేబు అతనికి తన కూతురు అక్సాను+ ఇచ్చి పెళ్లిచేశాడు. 18 ఆమె తన భర్త ఇంటికి వెళ్లేటప్పుడు, తన తండ్రిని ఒక పొలం అడగమని భర్తను తొందరపెట్టింది. ఆమె గాడిద మీద నుండి దిగినప్పుడు* కాలేబు, “నీకు ఏమి కావాలి?” అని ఆమెను అడిగాడు.19 ఆమె, “దయచేసి నాకు ఒక దీవెన ఇవ్వు. నువ్వు దక్షిణాన* నాకు ఒక భూమి ఇచ్చావు; గుల్లోతు-మయిము* కూడా ఇవ్వు” అని అంది. అప్పుడు కాలేబు ఆమెకు ఎగువ గుల్లోతును, దిగువ గుల్లోతును ఇచ్చాడు.

20 వాళ్లవాళ్ల కుటుంబాల ప్రకారం యూదా గోత్రంవాళ్ల ఆస్తి ఇది.

21 దక్షిణం వైపు చివరన, ఎదోము సరిహద్దు+ దగ్గరున్న యూదా గోత్రంవాళ్ల నగరాలు ఏవంటే: కబ్సెయేలు, ఏదెరు, యాగూరు, 22 కీనా, దిమోనా, అదాదా, 23 కెదెషు, హాసోరు, యిత్నాను, 24 జీఫు, తెలెము, బెయాలోతు, 25 హాసోరు హదత్తా, కెరీయోతు హెస్రోను, అంటే హాసోరు, 26 అమాము, షేమ, మోలాదా,+ 27 హసర్గద్దా, హెష్మోను, బేత్‌-పెలెతు, 28 హజర్షువలు, బెయేర్షెబా,+ బిజ్యోత్యా, 29 బాలా, ఈయ్యె, ఎజెము, 30 ఎల్తోలదు, కెసీలు, హోర్మా,+ 31 సిక్లగు,+ మద్మన్నా, సన్హన్నా, 32 లెబాయోతు, షిల్హిము, అయీను, రిమ్మోను; మొత్తం 29 నగరాలు, వాటి పల్లెలు.

33 షెఫేలాలో ఉన్న నగరాలు ఏవంటే: ఎష్తాయోలు, జొర్యా,+ అష్నా, 34 జానోహ, ఏన్గన్నీము, తప్పూయ, ఏనాము, 35 యర్మూతు, అదుల్లాము,+ శోకో, అజేకా, 36 షరాయిము, అదీతాయిము, గెదేరా, గెదెరోతాయిము;* మొత్తం 14 నగరాలు, వాటి పల్లెలు.

37 సెనాను, హదాషా, మిగ్దోల్గాదు, 38 దిలాను, మిస్పే, యొక్తయేలు, 39 లాకీషు, బొస్కతు, ఎగ్లోను, 40 కబ్బోను, లహ్మాము, కిత్లిషు, 41 గెదెరోతు, బేత్‌-దాగోను, నయమా, మక్కేదా; మొత్తం 16 నగరాలు, వాటి పల్లెలు.

42 లిబ్నా,+ ఎతెరు, ఆషాను, 43 యిప్తా, అష్నా, నెసీబు, 44 కెయీలా, అక్జీబు, మారేషా; మొత్తం తొమ్మిది నగరాలు, వాటి పల్లెలు.

45 ఎక్రోను, దాని చుట్టుపక్కల పట్టణాలు, దాని పల్లెలు; 46 ఎక్రోను పడమటి వైపు నుండి అష్డోదును ఆనుకొని ఉన్న అన్ని ప్రాంతాలు, వాటి పల్లెలు.

47 అష్డోదు, దాని చుట్టుపక్కల పట్టణాలు, దాని పల్లెలు; గాజా, దాని చుట్టుపక్కల పట్టణాలు, దాని పల్లెలు; అక్కడి నుండి కిందికి ఐగుప్తు వాగు వరకు, మహా సముద్రం,* దాని తీర ప్రాంతం.+

48 పర్వత ప్రాంతంలో ఉన్న నగరాలు ఏవంటే: షామీరు, యత్తీరు,+ శోకో, 49 దన్నా, కిర్యత్సన్నా, అంటే దెబీరు, 50 అనాబు, ఎష్టెమో,+ ఆనీము, 51 గోషెను, హోలోను, గీలో; మొత్తం 11 నగరాలు, వాటి పల్లెలు.

52 ఆరాబు, దూమా, ఎషాను, 53 యానీము, బేత్‌-తప్పూయ, అఫెకా, 54 హుమ్తా, కిర్యతర్బా, అంటే హెబ్రోను, సీయోరు; మొత్తం తొమ్మిది⁠ నగరాలు, వాటి పల్లెలు.

55 మాయోను,+ కర్మెలు, జీఫు,+ యుట్ట, 56 యెజ్రెయేలు, యొక్దెయాము, జానోహ, 57 కేయీను, గిబియా, తిమ్నా; మొత్తం పది నగరాలు, వాటి పల్లెలు.

58 హల్హూలు, బేత్సూరు, గెదోరు, 59 మారాతు, బేతనోతు, ఎల్తెకోను; మొత్తం ఆరు నగరాలు, వాటి పల్లెలు.

60 కిర్యత్బయలు, అంటే కిర్యత్యారీము,+ రబ్బా; మొత్తం రెండు నగరాలు, వాటి పల్లెలు.

61 ఎడారిలో ఉన్న నగరాలు ఏవంటే: బేతరాబా, మిద్దీను, సెకాకా, 62 నిబ్షాను, ఉప్పు నగరం, ఏన్గెదీ;+ మొత్తం ఆరు నగరాలు, వాటి పల్లెలు.

63 యెరూషలేములో నివసిస్తున్న+ యెబూసీయుల+ విషయానికొస్తే, యూదా ప్రజలు వాళ్లను వెళ్లగొట్టలేకపోయారు.+ కాబట్టి ఈ రోజు వరకు యెబూసీయులు యూదా ప్రజలతో కలిసి నివసిస్తున్నారు.