కీర్తనలు

57 దేవా, నా మీద దయ చూపించు, నా మీద అనుగ్రహం చూపించు,

నిన్నే నేను ఆశ్రయంగా చేసుకుంటున్నాను,+

కష్టాలు తీరిపోయేవరకు నీ రెక్కల చాటున దాక్కుంటాను.+

 2 సర్వోన్నతుడైన దేవునికి,

నా కష్టాలు తీర్చే సత్యదేవునికి నేను మొరపెట్టుకుంటున్నాను.

 4 సింహాలు నన్ను చుట్టుముట్టాయి;+

నన్ను మింగేయాలని చూస్తున్నవాళ్ల మధ్య నేను పడుకోవాల్సి వస్తోంది,

వాళ్ల పళ్లు ఈటెలు, బాణాలు;

వాళ్ల నాలుక పదునైన కత్తి.+

 5 దేవా, నువ్వు ఆకాశానికి పైగా హెచ్చించబడాలి;

నీ మహిమ భూమంతా నిండిపోవాలి.+

 6 నా పాదాలు చిక్కుకునేలా వాళ్లు వల పన్నారు;+

వేదనతో నా ప్రాణం కృంగిపోయింది.+

వాళ్లు నా దారిలో గుంట తవ్వారు,

అందులో వాళ్లే పడిపోయారు.+ (సెలా)

 7 దేవా, నా హృదయం స్థిరంగా ఉంది,+

నా హృదయం స్థిరంగా ఉంది.

 9 యెహోవా, దేశదేశాల ప్రజల మధ్య నిన్ను స్తుతిస్తాను;+

దేశాల మధ్య నిన్ను స్తుతిస్తూ పాటలు పాడతాను.*+

10 ఎందుకంటే నీ విశ్వసనీయ ప్రేమ గొప్పది, అది ఆకాశమంత ఉన్నతమైనది,+

నీ నమ్మకత్వం మేఘాల్ని తాకుతుంది.

11 దేవా, నువ్వు ఆకాశానికి పైగా హెచ్చించబడాలి;

నీ మహిమ భూమంతా నిండిపోవాలి.+