“Imi sei rona kona-ba funu iha fatin oioin”

“Husi tempu neʼebé haʼu komesa sai jurnalista, maizumenus tinan 60 liubá, haʼu fó sai ona notísias kona-ba funu 40 liu neʼebé akontese iha mundu tomak. Haʼu haree problema polítiku entre rai-Estadus Unidus no Uniaun Soviétika sai aat tebes, no tuirmai sai diʼak derrepente. Maibé tinan 2025 mak tinan neʼebé halo haʼu laran-taridu liu duké tinan sira antes. Razaun mak tanba mosu funu boot balu no mós tanba funu ida husi funu sira-neʼe bele lori impaktu aat tebes ba sistema polítiku iha mundu neʼe, no neʼe nunka akontese antes neʼe.”—John Simpson, jornalista BBC, ami mak tau énfaze iha fraze neʼe.

Ema hanoin barak kona-ba funu sira neʼebé akontese iha fatin oioin. Ema barak hanoin kona-ba funu sira-neʼe sei remata ka lae. Saida mak Jesus hanorin?

Saida mak Jesus hanorin

Jesus fó sai nanis kona-ba situasaun neʼebé ita haree ohin loron. Nia fó avizu ba ninia dixípulu sira: “Imi sei rona kona-ba funu iha fatin oioin.”—Mateus 24:6.

Maski funu no konflitu sira neʼebé ita haree ohin loron halo ita laran-taridu, maibé ita iha razaun diʼak atu iha esperansa. Tanbasá? Tanba Jesus hanorin katak funu sira neʼebé afeta ema barak no mós akontesimentu sira seluk, no ema nia hahalok sira mak sai nuʼudar “sinál” neʼebé fó prova katak ita moris iha “mundu neʼe nia rohan”. (Mateus 24:3; Lucas 21:7) Neʼe hatudu katak lakleur tan Jesus sei rezolve problema sira kona-ba funu. Oinsá?

Saida mak Jesus sei halo

Lakleur tan, Jesus nuʼudar Liurai ba Maromak nia Ukun, sei “hapara funu sira iha mundu tomak”.—Salmo 46:9.

Atu aprende liután kona-ba futuru neʼebé nakonu ho dame, oinsá mak ida-neʼe sei sai loos, no oinsá neʼe afeta Ita rasik nia moris, lee informasaun “Oinsá funu no konflitu sei remata?”.