Ema Kristaun bele uza buat ruma atu la isin-rua ka lae?

Bíblia nia resposta

Jesus la haruka ninia dixípulu sira atu iha oan ka labele iha oan. Jesus nia dixípulu sira mós la koʼalia kona-ba neʼe. La iha eskritura iha Bíblia laran neʼebé bandu ema atu uza buat ruma hodi feto la sai isin-rua. Kona-ba ida-neʼe, Roma 14:12 fó sai prinsípiu hodi dehan: “Ita ida-idak sei hatán ba Maromak kona-ba ita-nia hahalok rasik.”

Kaben-naʼin sira bele foti desizaun rasik atu iha oan ka lae. Sira mós bele deside atu iha oan naʼin-hira no bainhira mak sira hakarak iha oan. Se laʼen no feen hakarak uza buat ruma ka tuir planeamentu familiar ruma atu feen la sai isin-rua, neʼe mak sira-nia desizaun, naran katak sira la uza buat ruma neʼebé bele oho bebé iha kabun laran. Ema seluk labele tesi-lia ba sira.—Roma 14:4, 10-13.