நீதிமொழிகள்
24 அக்கிரமக்காரர்களைப் பார்த்துப் பொறாமைப்படாதே.
அவர்களோடு பழகுவதற்கு ஏங்காதே.+
2 ஏனென்றால், அவர்களுடைய உள்ளம் வன்முறையைப் பற்றியே யோசிக்கிறது.
அவர்களுடைய உதடுகள் தீமையைப் பற்றியே பேசுகின்றன.
4 அறிவால் அதன் அறைகள் நிரப்பப்படும்.
எல்லாவித அருமையான பொக்கிஷங்களும் அவற்றில் குவித்து வைக்கப்படும்.+
6 திறமையான வழிநடத்துதல் இருந்தால் நீ போர் செய்ய முடியும்.+
ஆலோசகர்கள் நிறைய பேர் இருந்தால் வெற்றி நிச்சயம்.+
11 சாகடிப்பதற்காகக் கொண்டுபோகப்படுகிற ஆட்களைக் காப்பாற்று.
கொல்லப்படுவதற்காக இழுத்துச் செல்லப்படுகிறவர்களை விடுவி.+
12 “அதைப் பற்றி எங்களுக்கு ஒன்றும் தெரியாது” என்று நீ சொல்லலாம்.
ஆனால், இதயங்களை* ஆராய்கிறவருக்கு உன் இதயத்தில் இருப்பது தெரியாதா?+
உன்னைக் கவனித்துக்கொண்டிருப்பவர் எல்லாவற்றையும் தெரிந்துகொள்வாரே.
அவனவன் செயலுக்குத் தகுந்த கூலியை அவர் கொடுப்பாரே.+
13 என் மகனே, தேனைச் சாப்பிடு; அது நல்லது.
தேன்கூட்டிலிருந்து ஒழுகும் தேன் உன் வாய்க்குத் தித்திப்பாக இருக்கும்.
14 அதேபோல், ஞானம் உனக்கு நல்லது என்பதைத் தெரிந்துகொள்.+
அதை நீ தேடிக் கண்டுபிடித்தால், உன் எதிர்காலம் நன்றாக இருக்கும்.
உன் நம்பிக்கை வீண்போகாது.+
15 நீதிமானின் வீட்டுக்குப் பக்கத்தில் கெட்ட எண்ணத்தோடு பதுங்கியிருக்காதே.
அவன் குடியிருக்கும் இடத்தை அழிக்காதே.
16 நீதிமான் ஏழு தடவை விழுந்தாலும் மறுபடியும் எழுந்து நிற்பான்.+
ஆனால், பொல்லாதவன் பேராபத்தில் சிக்கி விழுந்துபோவது உறுதி.+
17 உன் எதிரி விழுந்தால் கைகொட்டிச் சிரிக்காதே.
அவனுக்கு அடிசறுக்கினால் உன் உள்ளத்தில் சந்தோஷப்படாதே.+
18 அப்படிச் செய்தால், யெகோவா அதைப் பார்த்து உன்மேல் வருத்தப்படுவார்.
19 அக்கிரமக்காரர்களைப் பார்த்து எரிச்சல் அடையாதே.
பொல்லாதவர்களைப் பார்த்துப் பொறாமைப்படாதே.
20 அக்கிரமம் செய்கிறவனுக்கு எதிர்காலமே இல்லை.+
பொல்லாதவனின் விளக்கு அணைக்கப்படும்.+
21 என் மகனே, யெகோவாவுக்கும் ராஜாவுக்கும் பயப்படு.+
கடவுளும் ராஜாவும் அவர்களை எப்படித் தண்டிப்பார்கள் என்று யாருக்குத் தெரியும்?+
23 இவையும் ஞானமுள்ளவர்கள் கொடுத்த ஆலோசனைகள்:
தீர்ப்பு சொல்லும்போது பாரபட்சம் காட்டுவது நல்லதல்ல.+
24 குற்றவாளியைப் பார்த்து, “நீ நிரபராதி” என்று சொல்கிறவனை+
ஜனங்கள் சபிப்பார்கள், தேசங்கள் கண்டனம் செய்யும்.
25 ஆனால், அவனைக் கண்டிக்கிறவர்களுக்கு நல்லது நடக்கும்.+
அவர்களுக்கு அருமையான ஆசீர்வாதங்கள் வந்து சேரும்.+
26 நேர்மையாகப் பதில் சொல்கிறவனுக்கு மக்கள் முத்தம் கொடுப்பார்கள்.*+
28 எந்த ஆதாரமும் இல்லாமல் அடுத்தவனுக்கு எதிராகச் சாட்சி சொல்லாதே.+
உன் வாயால் மற்றவர்களை ஏமாற்றாதே.+
32 அதைப் பார்த்தபோது எனக்குக் கஷ்டமாகிவிட்டது.
அதையெல்லாம் பார்த்து இந்தப் பாடத்தைக் கற்றுக்கொண்டேன்: