“Nitawuva Ngetimphi”

“Kusukela ngacala kusebenta ngabo-1960, ngibike ngetimphi letingetulu kwa-40 letibe khona emhlabeni wonkhe. Ngabona ngesikhatsi kukhula kungevani kweMelika neSoviet Union lokwaphindze kwaphela ngekushesha. Nobe kunjalo, kute umnyaka longente ngakhatsateka njengemnyaka wa-2025. Sizatfu saloko kutsi kube netimphi letinyenti, kantsi lesinye kutsi yinye yaletimphi ingaba nemtselela lomubi etindzabeni tepolitiki temhlaba wonkhe”—John Simpson, BBC world affairs editor, lamavi lagcanyisiwe agcanyiswe ngitsi hhayi lombhali wawo.

Bantfu bakhatsatekile ngetimphi letikhona emhlabeni. Labanyenti bayatibuta kutsi kuyoke kwenteke yini kutsi lesimo sibe ncono. Yini Jesu layifundzisa?

Loko Jesu lakufundzisa

Jesu waphrofetha ngetimo lesitibona emhlabeni lamuhla. Wecwayisa balandzeli bakhe watsi: “Nitawuva ngetimphi etindzaweni letehlukahlukene.”—Matewu 24:6.

Ngisho nobe timphi kanye netiphitsiphitsi letihambisana nebudlova lesikubonako lamuhla kukhatsata, sinesizatfu sekuba nelitsemba. Leni? Ngobe Jesu wafundzisa kutsi timphi letitawuba khona emhlabeni wonkhe, tehlakalo, timo letimatima kanye nesimo sengcondvo bantfu labatawuba naso kutawuba “luphawu” lolukhombisa kutsi sesikhatsi ‘sekuphela kwalelive.’ (Matewu 24:3; Lukha 21:7) Loku kusho kutsi siyeta sikhatsi lapho Jesu atawucedza khona timphi. Utaticedza kanjani?

Loko Jesu latawukwenta

Madvutane, Jesu loyiNkhosi yeMbuso waNkulunkulu, ‘utawucedza timphi emhlabeni wonkhe.’—Tihlabelelo 46:9.

Kuze utfole lokunyenti ngalokuthula kwangesikhatsi lesitako, kutsi kutawuba khona njani nekutsi kutakutsintsa kanjani wena, fundza sihloko lesitsi “Indlela Imphi Kanye Netiphitsiphitsi Letihambisana Nebudlova Lokutawucedvwa Ngayo.”