Tinike Sikhatsi Sekwati Nkulunkulu

Kuphila kwakho kutawuba ncono nawutinika sikhatsi sekufundza ngaNkulunkulu. Nawenta njalo, usuke wenetisa sidzingo sakho sekwati Nkulunkulu. Cabanga ngaloko Jesu lakufundzisa ngalendzaba.

Lokwashiwo nguJesu

“Bayajabula labo labanakisisa tintfo letiphatselene naNkulunkulu.”​—Matewu 5:3.

• Sonkhe siyafuna kwati timphendvulo temibuto lenjenga letsi: Iyini injongo yekuphila? Kungani kunekuhlupheka lokungaka? Kwentekani nasifa? Sidzinga kwati timphendvulo talemibuto kuze sijabule.

“Umuntfu ngeke aphile ngesinkhwa sodvwa, kodvwa uphila ngawo onkhe emavi laphuma emlonyeni waJehovaa.”​—Matewu 4:4.

• Siyadzinga kucinisa buhlobo betfu naNkulunkulu njengobe nje sikudzinga nekudla. Jesu wakwenta kwacaca kutsi kufanele setsembele kuNkulunkulu kuze senetise sidzingo setfu sekwati Nkulunkulu.

“Livi lakho liliciniso.”​—Johane 17:17.

• Jesu waveta kutsi Nkulunkulu usebentisa liVi lakhe, liBhayibheli kuze enetise sidzingo setfu sekumati.

Sikukhutsata kutsi utfole injabulo yaphakadze ngekutsi utinike sikhatsi sekufundza ngaNkulunkulu, futsi wenetise sidzingo sakho sekufuna kumati. Nati letinye tintfo letingakusita:

• Fundza liBhayibheli mahhala.

• Cela lotsite kutsi akuchubele sifundvo seliBhayibheli mahhala.