Rezervo kohë që të njohësh më mirë Perëndinë

Jeta jote do të përmirësohet po të lësh kohë që të mësosh më shumë për Perëndinë dhe të lidhësh miqësi me të. Në këtë mënyrë, do të plotësosh një nevojë që e kanë të gjithë njerëzit. Ja çfarë tha Jezui për këtë temë.

Çfarë tha Jezui

«Lum ata që e kuptojnë se kanë nevojë për Perëndinë.»—Mateu 5:3.

• Të gjithë ne dëshirojmë të dimë përgjigjet e pyetjeve të tilla, si: cili është qëllimi i jetës? Pse ka kaq shumë vuajtje? Çfarë ndodh me njeriun kur vdes? Që të jemi të lumtur, kemi nevojë të dimë përgjigjet e këtyre pyetjeve.

«Njeriu s’duhet të jetojë vetëm me bukë, por me çdo fjalë që del nga goja e Jehovait.»a—Mateu 4:4.

• Ashtu siç kemi nevojë për ushqim, kemi nevojë edhe për informacionet që u përgjigjen pyetjeve të rëndësishme dhe që na afrojnë më shumë me Zotin. Jezui tregoi qartë se për ta plotësuar këtë nevojë, na duhet ndihma e Perëndisë.

«Fjala jote është e vërteta.»—Gjoni 17:17.

• Jezui zbuloi se mjeti kryesor që përdor Perëndia për të na plotësuar këtë nevojë është Fjala e Tij, Bibla.

Të nxitim të gjesh lumturi të vërtetë duke rezervuar kohë për Perëndinë dhe duke plotësuar nevojën për ta njohur më mirë. Ja çfarë mund të të ndihmojë:

• Lexo Biblën falas.

• Kërko të bësh falas kursin tonë të Biblës me një mësues personal.