Ku të gjejmë shpresë gjatë 2024-s?​—Çfarë thotë Bibla?

Shumë veta nuk shohin rrugëdalje për problemet botërore që do të ketë viti 2024. Gjithsesi mund të shpresojmë për një të ardhme më të mirë. Pse?

Bibla jep shpresë

Bibla premton se Zoti do të zgjidhë problemet që e bëjnë jetën tonë të duket e pashpresë. Së shpejti, Perëndia «do të fshijë çdo lot nga sytë [tanë] dhe nuk do të ketë më vdekje. Nuk do të ketë më as vajtim, as klithmë, as dhembje.»​—Zbulesa 21:4.

• Për të ditur më shumë rreth premtimeve të Biblës për të ardhmen, lexo artikullin «Shpresë e sigurt për një të ardhme më të mirë».

Si mund të të ndihmojë Bibla që tani?

Shpresa që jep Bibla për të ardhmen, të ndihmon të luftosh mendimet negative dhe të kesh qëndrim optimist. (Romakëve 15:13) Gjithashtu këshillat praktike të Biblës, të ndihmojnë të përballosh problemet që mund të kesh, siç mund të jenë vështirësitë ekonomike, padrejtësitë dhe sëmundjet.

• Zbulo si shpresa e Biblës ndihmoi një burrë të gjente paqe dhe lumturi, pavarësisht se u rrit në varfëri. Shih videon Huan Pablo Hermenjo: Jehovai më dha një jetë plot kuptim.

• Mëso si Bibla të ndihmon kur provon trishtim, ankth, pikëllim dhe ndjenja faji. Lexo artikullin «A mund të më sjellë lehtësim Bibla?»

• Shqyrto si një ish-ushtarake që e përshkruante veten «të zymtë dhe mospërfillëse», gjeti shpresë falë Biblës. Shih videon Kur hoqa dorë nga ushtria.

Bëje 2024-n një vit të mbarë për ty dhe familjen tënde. Mëso si mund të të ndihmojë Bibla që ta arrish këtë synim. Provo kursin për studimin e Biblës me ndihmën e një mësuesi që ofrohet falas. Zbulo si Perëndia mund të të japë që sot paqe dhe «një të ardhme plot shpresë».​—Jeremia 29:11.