Përfytyro historitë e Biblës

Në Bibël gjejmë plot histori që përmbajnë mësime me vlerë. Kur krijojmë në mendje imazhe të këtyre tregimeve, e kuptojmë më mirë atë që po lexojmë dhe nxjerrim më shumë dobi. Ja disa sugjerime që mund të të ndihmojnë të përfytyrosh historitë e Biblës:

• Lexo me zë. Kur e lexon Biblën me zë, mund ta përfytyrosh më qartë ngjarjen që po përshkruhet. Ndërsa kur e lexoni Biblën si familje, mund ta bëni më të gjallë tregimin duke i caktuar secilit nga një personazh.

• Përfytyro situatën. Përpiqu të kuptosh mënyrën si mendonin dhe si ndiheshin personazhet. Për shembull, pyet veten: «Pse foli ose veproi kështu? Çfarë do të kisha menduar ose si do të isha ndier unë po të isha në këtë situatë?»

• Bëj ndonjë vizatim ose skicë. Edhe nëse s’ke dorë për pikturë, falë skicave mund të krijosh një imazh më të qartë në mendje dhe t’i kujtosh më mirë tregimet.