Në ç’gjendje është?

Kjo pyetje është mirë të bëhet për çdo botim që mendojmë të ofrojmë në shërbim. Çdo botim me faqe të përthyera, me ngjyra të zbehura, i ndotur ose i grisur, do ta pasqyronte keq organizatën tonë dhe do ta shpërqendronte të zotin e shtëpisë nga mesazhi i bukur dhe jetëshpëtues që përmban ai botim.

Si mund t’i mbajmë të rregullta botimet? Shumë lajmëtarë e organizojnë çantën e shërbimit duke i grupuar bashkë disa lloje botimesh. Për shembull, kanë një vend për librat, një për revistat e broshurat, një tjetër për ­fletushkat e kështu me radhë. Sa herë futin ­Biblën dhe çfarëdolloj literature në çantën e shërbimit, tregojnë kujdes që të mos i dëmtojnë. Disa lajmëtarë i mbajnë botimet në dosje ose në qese të tejdukshme. Pavarësisht nga mënyra që përdorim, nuk duam t’i lëmë shkak askujt që, me të drejtë, të gjejë ndonjë të metë në shërbimin tonë duke i dhënë botime të dëmtuara.​—2 Kor. 6:3.