Njoftime

◼ Literatura që do të ofrohet nga 1-15 tetor: revistat Kulla e Rojës dhe Zgjohuni! Aty ku tregohet interes, të prezantojmë broshurën Qëndroni vigjilentë! me qëllim që të rritim interesin e tyre për Biblën. 16 tetor–12 nëntor: fushata speciale për shpërndarjen e fletushkës Lajmërim i Mbretërisë Nr. 37 «Fesë së rreme po i vjen fundi!» 13-30 nëntor: Të mësojmë nga Mësuesi i Madh. Nëse personi thotë se nuk ka fëmijë, t’i ofrojmë fletushkën A dëshiron të dish më shumë për Biblën? ose ndonjë fletushkë tjetër të përshtatshme. Dhjetor: libri Njeriu më i madh që ka jetuar ndonjëherë. Si alternativë mund të ofrohet libri Bibla—Fjala e Perëndisë apo e njerëzve?, Libri im i tregimeve biblike ose Ti mund të jetosh përgjithmonë në Parajsë mbi tokë. Janar 2007: Mund të ofrojmë çdo libër me 192 faqe që është shtypur në fletë që zverdhet ose i del boja me kalimin e kohës. Nëse kongregacionet nuk kanë në gjendje libra të tillë të vjetër, mund të përdorin librin Njohuria ose broshurën Qëndroni vigjilentë!

◼ Meqë dhjetori ka pesë fundjavë të plota, do të ishte një muaj i shkëlqyer për të shërbyer si pionierë ndihmës.

◼ Në këtë numër të Shërbimi ynë i Mbretërisë, shtojca është «Programi i Shkollës së Shërbimit Teokratik për vitin 2007» dhe duhet ruajtur për ta përdorur gjatë vitit 2007.

◼ Fjalimi special publik për periudhën e Përkujtimit të vitit 2007, do të mbahet të dielën, më 15 prill 2007. Tema e fjalimit do të njoftohet më vonë. Kongregacionet që atë fundjavë kanë vizitën e mbikëqyrësit qarkor ose asamblenë, do ta mbajnë fjalimin special javën pasuese. Asnjë kongregacion nuk duhet ta mbajë fjalimin special para datës 15 prill.