Mbledhjet e Shërbimit për nëntorin

Java që fillon më 6 nëntor

Kënga 5 (46)

10 min.: Njoftime lokale dhe njoftime të zgjedhura nga Shërbimi ynë i Mbretërisë.

15 min.: «Libri i ri thekson njohurinë e Perëndisë.» Me pyetje dhe përgjigje. Inkurajo të gjithë që të familjarizohen plotësisht me përmbajtjen e librit, kështu që ata mund të bëjnë një përdorim të efektshëm të tij në fushë.

20 min.: «Prezantime që nxitin interesin.» Konsidero me auditorin se si të vihen në praktikë sugjerimet në territorin lokal. Përgatit dy ose tre prezantime reale dhe të përgatitura mirë.

Kënga 26 (212) dhe lutja përmbyllëse.

Java që fillon më 13 nëntor

Kënga 20 (93)

10 min.: Njoftime lokale. Raporti i llogarisë. Rishiko rregullimet e bëra për të zgjeruar veprën e shërbimit në fushë gjatë periudhës së festave, javën e fundit.

15 min.: «Pjesëmarrja e rregullt në mbledhje​—Thelbësore për të qëndruar të palëkundur.» Fjalim dhe trajtim me auditorin.

20 min.: «Të sillemi në mënyrë të denjë ndaj lajmit të mirë.» Me pyetje dhe përgjigje.

Kënga 7 (51) dhe lutja përmbyllëse.

Java që fillon më 20 nëntor

Kënga 29 (222)

10 min.: Njoftime lokale.

15 min.: Nevoja lokale. (Ose mbaj një fjalim të bazuar në artikullin «A gjen kënaqësi në studimin personal?» të Kullës së Rojës të 15 shtatorit 1994, në faqet 8-11.)

20 min.: «Mos harro të kthehesh.» Me pyetje dhe përgjigje. Vendos për një demonstrim të përgatitur mirë të bazuar në informacionet e paragrafit 6. Nxirr në pah nevojën për të rivizituar personat që kanë treguar interes.

Kënga 8 (53) dhe lutja përmbyllëse.

Java që fillon më 27 nëntor

Kënga 16 (143)

10 min.: Njoftime lokale.

15 min.: «Mbajeni mendjen tuaj të fiksuar në gjërat që janë lart.» Me pyetje dhe përgjigje.

20 min.: Të ofrojmë librin e ri, Njohuria që të çon në jetën e përhershme, gjatë dhjetorit. Rishiko pjesë tërheqëse nga libri​—titujt mahnitës të kapitujve dhe pikturat interesante si edhe thjeshtësinë në shpjegim, përmasat e ngjeshura dhe përdorimin e aftë të pyetjeve. Izolo disa pika bisedimi që mund t’i tërheqë personat në territorin lokal. Libri Njohuria është projektuar pikërisht për të drejtuar studime biblike progresive. Duhet bërë një përpjekje e veçantë për të ndjekur ata, të cilëve u kemi lënë librin, me synimin për të filluar studime biblike. Vendos që një lajmëtar i aftë të demonstrojë një ose dy prezantime të shkurtra. Inkurajoi të gjithë të bëjnë një përdorim të mirë të këtij libri të ri në fushë, duke filluar nga dhjetori.

Kënga 6 (45) dhe lutja përmbyllëse.