BETH-BIRI

Qytet në rajonin e Negebit, në Judë, por që iu caktua bijve të Simeonit. (1Kr 4:24, 31) Në listën paralele të qyteteve te Josiu 19:6 del me emrin Beth-Lebaot dhe, sipas disave, Beth-Biri mund të ketë qenë emri i të njëjtit vend pas mërgimit, që e përdori Ezdra, shkrimtari i Kronikave. Gjurmë të këtij emri ndoshta gjenden në emrin Jebel-el-Biri, një mal rreth 40 km në jugperëndim të Beer-Shebës. Nisur nga kjo, disa pohojnë se Beth-Biri ndodhej në këtë mal ose afër tij.​—Shih BETH-LEBAOTI.