BETH-DAGONI

[shtëpi e Dagonit].

1. Qytet në territorin që iu dha fisit të Judës. (Js 15:21, 41) Ndonëse renditet tok me qytete të tjera të Shefelahut ose ultësirës, mendohet se ndodhej në rrafshinat e Filistisë, në Kirbet-Dajun, pak më në jugperëndim të Beit-Dajanit (Bet-Daganit) të sotëm dhe afro 10 km në juglindje të Tel-Aviv-Jafos. Në lidhje me këtë, vlen të përmendet se në vargjet vijuese renditen edhe qytete të tjera të rrafshinës filistine. (Js 15:45-47) Prandaj duhet të ketë qenë qytet-enklavë brenda territorit të Danit, siç ishte, me sa duket, edhe Gederahu.​—Js 15:36.

2. Qytet në territorin e Asherit, që duhet të ketë qenë në viset lindore të tij dhe afër kufirit me Zabulonin. (Js 19:24, 27) Nuk dihet me saktësi ku ndodhej.