Zvinhu Zvinobatsira Zviri Mubhuku raRarama Nekusingaperi Uchifara!

Unonakidzwa nekushandisa mavhidhiyo uye mibvunzo inoita kuti munhu ataure zviri mumwoyo make iri mubhuku raRarama Nekusingaperi Uchifara! here? Ko zvikamu zvakanzi “Vamwe Vanoti,” “Edza Izvi,” uye “Wedzera Pane Zvawadzidza” unozviona sei? Zvii zvimwe zviri mubhuku iri zvinogona kukubatsira paunenge uchiitisa chidzidzo cheBhaibheri?—Mt 28:19, 20.

Mavhidhiyo Nemabhuku: Kana uchiitisa chidzidzo cheBhaibheri uchishandisa bhuku rakaprindwa, ungawana sei mavhidhiyo nemabhuku zviri nyore uye zviri panzvimbo imwe chete? Mubhuku repafoni, baya chikamu chamuri kudzidza pazvikamu 4 zviri mubhuku racho. Panobva pabuda misoro yezvidzidzo zviri muchikamu chawabaya. Nechekuzasi chibaya pakanzi mavhidhiyo nemabhuku. (Ona pikicha 1.)

Kuona Zvakaita Bhuku Rakaprindwa: Kana uri kudzidza nemunhu uchishandisa bhuku repafoni dzimwe nguva unenge uchida kuona zvakaita bhuku rakaprindwa pamunenge muchidzidza. Vhura chidzidzo chamuri kuita, wobaya pane tumadodzi 3 twuri kurudyi nechekumusoro wozobaya pakanzi “Rakaprindwa” kana kuti pakanzi “Printed Edition.” Kuona zvakaita bhuku rakaprindwa kunokubatsira kuti urambe uchifunga nezvekuti zvamuri kukurukura zvinopindirana sei nemusoro wechidzidzo chacho. Kuti uone zvakaita bhuku repafoni, baya madodzi 3 aya zvakare wozobaya pakanzi “Repafoni” kana kuti “Digital Edition.”

“Ndava Kukwanisa Here?”: Mabhokisi aya ari kunoperera bhuku anotaura zvimwe zvinodiwa kuti munhu azokwanisa kuparidza neungano uye kubhabhatidzwa. (Ona pikicha 2.)

Mamwe Mashoko: Muchikamu ichi tinowana mashoko anowedzera kutsanangura dzimwe nyaya. Mubhuku repafoni, panoperera tsanangudzo imwe neimwe panenge paine link inokudzosera pawanga uchiverenga. (Ona pikicha 2.)