Ramba Wakavimbika Sezvo Mugumo Unoswedera Pedyo

NEI ZVICHIKOSHA? Pane zviitiko zvava pedyo kuitika zvichada kuti tive neushingi uye tiratidze kuti tinovimba naJehovha. Kutambudzika kukuru kuchatanga pachaparadzwa chitendero chenhema. (Mt 24:21; Zva 17:16, 17) Panguva iyi tinogona kunge tava kuparidza mashoko anorwadza ekutongwa. (Zva 16:21) Ticharwiswa naGogi wenyika yeMagogi. (Eze 38:10-12, 14-16) Kuti adzivirire vanhu vake, Jehovha achabva aunza “hondo yezuva guru raMwari Wemasimbaose.” (Zva 16:14, 16) Tinofanira kuva nekutenda kwakasimba iye zvino patinosangana nemiedzo, kuitira kuti tizokwanisa kuva neushingi panguva iyi.

MAITIRWO AZVO:

• Iva neushingi hwekutsigira mitemo yaMwari panyaya yetsika uye kuzvibata.​—Isa 5:20

• Ramba uchinamata Mwari pamwe chete nevamwe vaKristu.​—VaH 10:24, 25

• Teerera mirayiridzo inopiwa nesangano raJehovha.​—VaH 13:17

• Funga nezvekuponeswa kwakaitwa vashumiri vaJehovha vekare.​—2Pe 2:9

• Nyengetera kuna Jehovha, uye vimba naye.​—Pis 112:7, 8

ONA VHIDHIYO INONZI ZVINHU ZVICHAITIKA MUNE RAMANGWANA ZVICHADA KUTI TIVE NEUSHINGI​—CHIDIMBU, WOZOPINDURA MIBVUNZO INOTEVERA:

• 

  Vaparidzi vakasangana nemuedzo upi pakabatanidzwa ungano?

• 

  Ushingi nekuteerera zvakabatana papi?

• 

  Nei tichifanira kuva neushingi pachatanga Amagedhoni?

• 

  Inyaya ipi iri muBhaibheri inoita kuti tivimbe kuti Jehovha anogona kutiponesa?​—2Mak 20:1-24