Basa Redu Rekuyamura Rakabatsira Sei vaKristu Vari kuCaribbean?

Sezvaingoitwa nevaKristu vekutanga, isuwo tine mukana wekuratidza rudo kuhama dzedu dzinenge dzawirwa nenjodzi. (Joh 13:34, 35) Tarisa vhidhiyo inonzi Kuratidza Rudo—Kuyamura Hama Dzakawirwa Nenjodzi Kuzvitsuwa kuti uone zvakaitwa nevamwe vaKristu kubatsira hama nehanzvadzi dziri kuzvitsuwa zveCaribbean, wozopindura mibvunzo inotevera:

• Matambudziko api akasangana nehama dzedu dziri kuzvitsuwa zveCaribbean pakaitika Hurricane Irma neHurricane Maria?

• Jehovha akabatsira sei hama dzedu dziri kuzvitsuwa zveCaribbean achishandisa vamwe vaKristu?

• Hama nehanzvadzi dziri kuzvitsuwa zveCaribbean dzakanzwa sei nerudo rwadzakaratidzwa?

• Ihama nehanzvadzi ngani dzakaita basa rekuyamura kuzvitsuwa zveCaribbean?

• Zvii zvatingaitawo kuti titsigire basa rekuyamura?

• Vhidhiyo iyi yaita kuti unzwe sei nekuva musangano rino rine rudo?