Nyatsotevera Tsoka dzaKristu

Jesu akatisiyira muenzaniso wekuti titevedzere, kunyanya patinosangana nemiedzo kana kuti patinotambudzwa. (1Pe 2:21-23) Jesu haana kumbodzorera paaitukwa, kunyange paaitambudzwa. (Mk 15:29-32) Chii chakamubatsira kuti atsungirire? Akanga akatsunga kuita zvaidiwa naJehovha. (Joh 6:38) Pfungwa dzake dzaivawo ‘pamufaro wakaiswa pamberi pake.’​—VaH 12:2.

Tinoita sei kana tikaitirwa zvinhu zvakaipa nemhaka yekutenda kwedu? VaKristu vechokwadi ‘havadzoreri chakaipa nechakaipa.’ (VaR 12:14, 17) Kana tikatevedzera zvaiitwa naKristu paaitambudzwa, tichafara nekuti tinenge tichiita zvinofadza Jehovha.​—Mt 5:10-12; 1Pe 4:12-14.

ONA VHIDHIYO INONZI ZITA RAJEHOVHA RINONYANYA KUKOSHA, WOZOPINDURA MIBVUNZO IYI:

• Hanzvadzi Pötzingera vakashandisa sei nguva yavo pavaiva vakasungwa?

• Hama nahanzvadzi Pötzinger vakatsungirira zvinhu zvipi pavaiva mumisasa yevasungwa?

• Chii chakavabatsira kuti vatsungirire?