Purogiramu Yomusangano Webasa
Vhiki Inotanga naNovember 10
10 min: Zviziviso zveungano. Taurawo zvakataurwa nomutariri webasa nezvokufambira mberi kweungano pakushanda ndima ichigovera turakiti rinonzi Ungada Kuziva Chokwadi Here? Sezvo vaparidzi vakawanda vave vachitogovera magazini eNharireyomurindi yaNovember 1 uye Awake! yaNovember, kumbira vateereri kuti vataure kuti vave vachiagovera sei zvinobudirira.
15 min: Iva Munhu Ane Rudo Uye Anopa. Hurukuro inopiwa nomukuru inobva muNharireyomurindi yaNovember 15, 2008, mapeji 6-7.
20 min: “Tine Pfuma Inokosha Yokupa Vamwe.”a Pakukurukura ndima 2, kumbira vateereri kuti vataure nezvechokwadi cheBhaibheri chakavakwevera kusangano raJehovha kana kuti chavakasvika pakukoshesa zvikuru kubva zvavakabhabhatidzwa.
Vhiki Inotanga naNovember 17
10 min: Zviziviso zveungano. Zviziviso zvinosarudzwa pane zviri muUshumiri Hwedu hwoUmambo.
15 min: Bhokisi Remibvunzo.b
20 min: “Unogona Kuva Mudzidzisi!”c Bvunzurudza muparidzi kana piyona akakurira mafungiro okuti haakwanisi kuitisa chidzidzo cheBhaibheri. Akavimba sei naJehovha kuti amubatsire? Sangano rakamubatsira munzira dzipi kuti akwanise? Akawana mibayiro ipi pakuita basa rokudzidzisa Bhaibheri?
Vhiki Inotanga naNovember 24
10 min: Zviziviso zveungano. Verenga mushumo weakaunzi uye tsamba dzinobva kubazi dzokutenda mari yakatumirwa. Taura mabhuku achagoverwa muna December, uye ita kuti mharidzo imwe chete kana kuti mbiri dzienzanisirwe.
20 min: Vabereki—Dzivirirai Vana Venyu. Musoro wemhuri une muenzaniso wakanaka kana uripo unokurukura neungano tsamba yakabva kubazi yomusi waSDE September 1, 2008 yakanyorerwa Ungano dzose. Kurukurai nyaya iyi muchibuda pachena asi noruremekedzo.
15 min: Gadzirira Kugovera Nharireyomurindi yaDecember 1 uye Awake! yaDecember. Taura muchidimbu zviri mumagazini acho uye bvunza vateereri kuti inyaya dzipi dzingafarirwa mundima yenyu. Mibvunzo ipi nemagwaro zvingashandiswa pakusuma nyaya dzacho? Enzanisira kushandiswa kungaita mharidzo yokuenzanisira iri muUshumiri Hwedu hwoUmambo. Ita kuti mumwe wevakuru aenzanisire mharidzo pfupi yaakagadzirira achishandisa nyaya inoenderana nendima yenyu.
Vhiki Inotanga naDecember 1
10 min: Zviziviso zveungano. Yeuchidza vaparidzi kuti vaendese mishumo yebasa romumunda yaNovember.
15 min: Zvakaitika mundima yenyu. Udza ungano kuti ndima yakashandwa zvakadini pakuparadzira turakiti rinonzi Ungada Kuziva Chokwadi Here? Kumbira vateereri kuti varondedzere zvakaitika zvakavanakidza pavaiparadzira turakiti racho kana kuti pavairishandisa kutanga zvidzidzo zveBhaibheri. Rondedzerawo zvakaitika zvinokurudzira zvine chokuita nokugovera bhuku rinonzi Bhaibheri Rinombodzidzisei? muna November. Chakaitika chimwe chete kana zviviri zvinofadza zvingaenzanisirwa semaitikiro azvakaita.
20 min: “Gadzirira Vatsva Kuti Vatsungirire Kupikiswa.”d Pakukurukura ndima 2, kukurukurai muchidimbu kuti mashoko ari mubhuku rinonzi Kurangarira pamusoro unoti “Zvapupu zvaJehovha” angabatsira sei vadzidzi veBhaibheri kuti vapindure mibvunzo yehama neshamwari dzinoda kuziva.
[Mashoko Omuzasi]
a Taura mashoko okusuma kweisingapfuuri miniti imwe chete, wobva wakurukura nemibvunzo nemhinduro.
b Taura mashoko okusuma kweisingapfuuri miniti imwe chete, wobva wakurukura nemibvunzo nemhinduro.
c Taura mashoko okusuma kweisingapfuuri miniti imwe chete, wobva wakurukura nemibvunzo nemhinduro.
d Taura mashoko okusuma kweisingapfuuri miniti imwe chete, wobva wakurukura nemibvunzo nemhinduro.