Bhokisi Remibvunzo

◼ Zvakakodzera here kunyora mashoko ehurukuro dzichazopiwa paChikoro chaMwari Choushumiri toaparadzira kune vamwe?

Zvinobvumirwa kuitira izvi vomumhuri uye shamwari shomanana dzepedyo. Zvisinei, mashoko akadaro haafaniri kungoparadzirwa kune vanhu vose vose kana kuti kutengeswa, sezvo uku kungava kutyora mitemo yekodzero youridzi.—VaR. 13:1.

Nezvedzimwe hurukuro dzepaChikoro chaMwari Choushumiri, musoro wacho bedzi ndiwo wakangopiwa; padzinobva hapana kuratidzwa. Zvaizobatsira here kuti mumwe munhu anyore pangawanikwa mashoko kana kuti kutsvaka mashoko angashandiswa nevaya vanozopiwa hurukuro idzodzo? Aiwa. Zvaisazovawo zvakakodzera kunyora mhinduro dzemibvunzo yokudzokorora Chikoro chaMwari Choushumiri kuti vamwe vashandise, nokuti izvi hazvizovabatsiri kuyeuka pfungwa dzinokosha. Vadzidzi vanofanira kutsvakurudza voga. Iyi inzira inokosha yokudzidziswa kwatinoitwa naJehovha achishandisa chikoro kutibatsira kuti titaure no“rurimi rwevakadzidziswa.”—Isa. 50:4.