Kudzokorora Chikoro chaMwari Choushumiri
Mibvunzo inotevera ichakurukurwa paChikoro chaMwari Choushumiri vhiki inotanga naJune 26, 2006. Mutariri wechikoro achaitisa kudzokorora kwemaminitsi 30 kunobva pane zvakadzidzwa muhurukuro dzevhiki yaMay 1 kusvika kune yaJune 26, 2006. [Ona kuti: Panenge pasina kuratidzwa bhuku rinobva mashoko acho pamberi pomubvunzo, uchafanira kutsvakurudza woga kuti uwane mhinduro dzacho.—Ona Chikoro Choushumiri, map. 36-7.]
UNYANZVI HWOKUTAURA
1. Kusiyanisa inzwi kuita sei, uye nei kuchikosha? [be-CA p. 111, mabhokisi]
2. Tingachinja sei kukurumidza kana kunonoka kwatinoita patinenge tichipa hurukuro? [be-CA p. 112 ndima 3-6, bhokisi]
3. Tingaratidza sei kuti tine chido nenyaya yatiri kutaura, uye nei izvi zvichikosha? [be-CA p. 115 ndima 1–p. 116 ndima 2, mabhokisi]
4. Patinenge tichidzidzisa vamwe, nei ushamwari huchikosha, uye chii chingatibatsira kuti tihuratidze? [be-CA p. 118 ndima 2–p. 119 ndima 5]
5. Tsanangura kukosha kwokushandisa dzimwe nhengo dzomuviri uye zvaunoita chiso chako paunenge uchikurukurirana nevamwe. (Mat. 12:48, 49) [be-CA p. 121, mabhokisi]
HURUKURO NHA. 1
6. Bhuku raJobho rinorumbidza sei Jehovha uye rinosimbisa sei tsika dzakarurama muupenyu? [si-CA p. 100 ndima 39, 41]
7. Chii chinopupurira kuti bhuku reMapisarema nderechokwadi? [si-CA p. 102 ndima 10-11]
8. Painotaura nezvomunhu ane njere, Zvirevo 13:16 inenge ichitsanangura munhu anounyengeri here? Tsanangura. [w04-CA 7/15 p. 28 ndima 3-4]
9. Mudzimu mutsvene unoshanda sei somubatsiri, uye kuziva izvi kunofanira kutikurudzira kuti tiite sei? (Joh. 14:25, 26) [be-CA p. 19 ndima 2-3]
10. Jesu anouya mupfungwa ipi uye aitaura nezvo“kuuya” kupi sezviri pana Mateu 16:28? [w04-CA 3/1 p. 16 bhokisi]
KUVERENGA BHAIBHERI VHIKI NEVHIKI
11. Tingadzidzei pamhinduro yaJobho kuna Jehovha iri pana Jobho 42:1-6?
12. “Chinhu [chipi] chisina zvachinobatsira” icho marudzi anoramba achigunun’una nezvacho? (Pis. 2:1, 2)
13. Inheyo dzipi dzinoputswa? (Pis. 11:3)
14. Munhu anozvikudza ‘anotsiviwa sei chaizvo’? (Pis. 31:23)
15. Kunyaradzwa kupi kwatingawana kubva muPisarema 40 kungatibatsira kutarisana nokusakwana uye nenjodzi dzakasiyana-siyana dzemamiriro ezvinhu epanguva ino? (Pis. 40:1, 2, 5, 12)