Kudzokorora Chikoro chaMwari Choushumiri
Mibvunzo inotevera ichakurukurwa paChikoro chaMwari Choushumiri vhiki inotanga naFebruary 28, 2005. Mutariri wechikoro achaitisa kudzokorora kwemaminitsi 30 kunobva pane zvakadzidzwa muhurukuro dzevhiki yaJanuary 3 kusvika kune yaFebruary 28, 2005. [Ona kuti: Panenge pasina kuratidzwa bhuku rinobva mashoko acho pamberi pomubvunzo, uchafanira kutsvakurudza woga kuti uwane mhinduro dzacho.—Ona Chikoro Choushumiri, map. 36-7.]
UNYANZVI HWOKUTAURA
1. Tingaita sei kuti kutaura kwedu kunzwisiswe? [be-CA p. 226 ndima 1–p. 227 ndima 1]
2. Mashoko api angada kuwedzera kutsanangurwa? [be-CA p. 227 ndima 2–p. 228 ndima 1]
3. Inzira ipi ichatibatsira kukurukura zvinonyatsodzidzisa vateereri vedu? [be-CA p. 231 ndima 1-3]
4. Tingaita sei kuti kuverenga rugwaro runozivikanwa kudzidzise vateereri vedu? [be-CA p. 231 ndima 4-5]
5. Zvii zvingazoguma zvaitika kana tikakurudzira vateereri vedu kuti vaomerere pamashoko ari munhoroondo yeBhaibheri yakajairika? [be-CA p. 232 ndima 2-4]
HURUKURO NHA. 1
6. Chii chinobatanidzwa mukudzidzisa vanhu kuti ‘vatye Mwari wechokwadi voteerera mirayiro yake’? (Mup. 12:13) [be-CA p. 272 ndima 3–p. 273 ndima 1]
7. Tingaita sei kuti vanhu vazive kwete zita raJehovha bedzi asi kuti ndiMwari akaita sei? (Joe. 2:32) [be-CA p. 274 ndima 3-5]
8. Zvinokosha zvakadini kuwana zivo yaJesu uye kumupupurira? (Joh. 17:3) [be-CA p. 276 ndima 1]
9. Kuva noukama hwakanaka naMwari uye kunzwisisa Bhaibheri kunobatana sei zvakananga nokunzwisisa nzvimbo yaJesu? [be-CA p. 276 ndima 2]
10. Tingaratidza sei kuti tinonyatsodavira kuti Jesu Kristu ndiMambo? [be-CA p. 277 ndima 4]
KUVERENGA BHAIBHERI VHIKI NEVHIKI
11. Tera, baba vaAbrahamu, ainamata zvidhori here? (Josh. 24:2)
12. Gidhiyoni akanga asina ushingi hwokuita basa raakanga apiwa naJehovha here? Nei uchipindura kudaro? (Vat. 6:25-27)
13. Tingadzidzei munzira iyo Gidhiyoni akataura nayo nedzinza raEfremu? (Vat. 8:1-3)
14. Kusada kugamuchira vaeni kwevanhu veGibhiya kwakaratidza chii? (Vat. 19:14, 15)
15. Kudai “mumwe nomumwe waiita sezvaakafunga kuti ndizvo zvakanaka,” izvi zvaizokurudzira kusateerera mutemo here? (Vat. 21:25)