Kudzokorora Chikoro chaMwari Choushumiri
Mibvunzo inotevera ichakurukurwa paChikoro chaMwari Choushumiri vhiki inotanga naAugust 25, 2003. Mutariri wechikoro achaitisa kudzokorora kwemaminitsi 30 kunobva pane zvakadzidzwa muhurukuro dzevhiki yaJuly 7 kusvika kune yaAugust 25, 2003. [Ona kuti: Panenge pasina kuratidzwa bhuku rinobva mashoko acho pamberi pomubvunzo, uchafanira kutsvakurudza woga kuti uwane mhinduro dzacho.—Ona Chikoro Choushumiri, map. 36-7.]
UNYANZVI HWOKUTAURA
1. Zvinobatsirei kutarisana nowauri kutaura naye paunenge uri muushumiri? [be-CA p. 125 ndima 1-2; p. 125 bhokisi]
2. Kana ukatanga kutya usati wapinda muushumiri, chii chinogona kubatsira? [be-CA p. 128 ndima 4-5]
3. Chii chichakubatsira kutaura nenzira yakasununguka uye yokukurukurirana pakupa hurukuro pachikuva? [be-CA p. 129 ndima 2; p. 129 bhokisi]
4. Nhungamiro inowanikwa pana Revhitiko 16:4, 24, 26, 28; Johani 13:10; Zvakazarurwa 19:8 inofanira kuguma nechii pachitarisiko chedu, uye nei izvi zvichikosha? [be-CA p. 131 ndima 3; p. 131 bhokisi]
5. Rondedzera munhu ane mwero uye ane “kunaka kwepfungwa.” (1 Tim. 2:9, 10) [be-CA p. 132 ndima 1]
HURUKURO NHA. 1
6. Kunyange zvazvo vaKristu vachifanira kushivirirana, chii chisingashivirirwi pakati pavo? (VaK. 3:13) [w01-CA 7/15 p. 22 ndima 7-8]
7. Chokwadi kana Nhema: Nhamba isina kuzara inhamba yakakwana. Tsanangura. [si-CA p. 282 ndima 24-5]
8. Ipfungwa ipi yakanakisisa yatingava nayo yokuti tiverenge Shoko raMwari, uye nei kuva nepfungwa yakadaro kuchikosha? [be-CA p. 24 ndima 1]
9. Munhu akachenjera “anozvichengetera zivo” sei? (Zvir. 10:14) [w01-CA 7/15 p. 27 ndima 4-5]
10. Nei tsika dzakanaka dzaJobho dzichikosha? (Job. 1:1, 8; 2:3) [w01-CA 8/1 p. 20 ndima 4]
KUVERENGA BHAIBHERI KWEVHIKI NEVHIKI
11. Nhengo dzedare rinodzora dzaikwanisa sei kusvika paku“bvumirana nemwoyo mumwe” kuti vatendi veMamwe marudzi vakanga vasingafanirwi kudzingiswa kuti vagoponeswa? (Mab. 15:25)
12. Dare rinodzora raigona sei kukumbira Pauro kuti aite zvimwe zvaidiwa muMutemo waMosesi apo Mutemo iwoyo wakanga wabviswa naJehovha? (Mab. 21:20-26) [it-1 p. 481 ndima 3; it-2 p. 1163 ndima 6–p. 1164 ndima 1]
13. Kupomerwa zvenhema kupi kwakaitirwa muapostora Pauro kunotiyeuchidza nezvemashoko akataurwa pamusoro peZvapupu zvaJehovha munguva ichangopfuura? (Mab. 24:5, 6) [w01-CA 12/15 p. 22 ndima 7–p. 23 ndima 2]
14. Pauro akaratidza sei muenzaniso somuzivisi woUmambo kunyange paaiva akasungwa achigara mumba kwemakore maviri? (Mab. 28:30, 31)
15. “Vane simba zvikuru” ndevamwe ve“zvakarongwa naMwari” munzirai, uye izvi zvinofanira kuita sei pavaKristu? (VaR. 13:1, 2) [w00-CA 8/1 p. 4 ndima 5]