Kudzokorora Chikoro chaMwari Choushumiri
Mibvunzo inotevera ichakurukurwa paChikoro chaMwari Choushumiri vhiki inotanga naApril 28, 2003. Mutariri wechikoro achaitisa kudzokorora kwemaminitsi 30 kunobva pane zvakadzidzwa muhurukuro dzevhiki yaMarch 3 kusvika kune yaApril 28, 2003. [Ona kuti: Panenge pasina kuratidzwa bhuku rinobva mashoko acho pamberi pomubvunzo, uchafanira kutsvakurudza woga kuti uwane mhinduro dzacho.—Ona Chikoro Choushumiri, map. 36-7.]
UNYANZVI HWOKUTAURA
1. Zvinhu zvipi zvingakutadzisa kutaura uchitsetsenura? [be-CA p. 93]
2. Chokwadi kana Nhema: Kumbomira hakufaniri kuitwa, sezvo kungaita kuti pfungwa dzevanhu dzidzungaire ndokuvapa mikana yokuti vapindire. Tsanangura.
3. Kusimbisa pfungwa kwakakodzera kunokosha zvakadini kumukurukuri kana kuti kumunhu anoverengera vamwe? (Neh. 8:8) [be-CA p. 101]
4. Munhu angakudziridza sei kusimbisa pfungwa kwakakodzera? [be-CA map. 102-3]
5. Ipfungwa huru dzipi dzinofanira kusimbiswa pakuverenga zvinonzwika mubhuku pachidzidzo cheBhaibheri kana kuti pamusangano weungano? [be-CA p. 105]
HURUKURO NHA. 1
6. Vabereki vangaitei kurovedza vana “kuti vanzwe, vadzidze” pamisangano yechiKristu? (Dheut. 31:12) [be-CA p. 16]
7. Paradhiso yomudzimu chii? [w01-CA 3/1 map. 8-10]
8. Zvirevo 8:1-3 inoratidza sei kuti uchenjeri hwaMwari hunowanikwa kune vose, uye maererano naVaKorose 2:3, hungawanikwa kupi? [w01-CA 3/15 map. 25, 28]
9. Tingaita sei kuti zita raMwari rizivikanwe? (Joh. 17:6) [be-CA map. 273-5]
10. Mashoko api anokosha anofanira kuzivikanwa nevanhu maererano ne“mashoko akanaka oumambo”? (Mat. 24:14) [be-CA map. 279-80]
KUVERENGA BHAIBHERI KWEVHIKI NEVHIKI
11. (a) Muzana remakore rokutanga, “chinhu chinosemesa” chakataurwa pana Mako 13:14 chaiva chii? (b) ‘Kumira kwacho pachisingafaniri’ kwairevei?
12. Evhangeri yaRuka inoratidza sei kuti Jesu aiva mugari wenhaka chaiye wechigaro choumambo chaDhavhidhi? (Ruka 3:23-38) [w92-CA 10/1 p. 9 ndima 3]
13. Mashoko aJesu akanyorwa pana Ruka 12:2 airevei?
14. Mumufananidzo waJesu wemari yedhirakema yakarasika, nei zvakaitwa nengirozi zvakanaka kwazvo? (Ruka 15:10) Muenzaniso wadzo unofanira kuita kuti tinzwe sei?
15. Ndedzipi sungano mbiri dzinotaurwa pana Ruka 22:29?