‘Tsaura Chimwe Chinhu’

Muungano yepakuvamba yechiKristu, paiva nokushomeka kwezvinhu kwaida kugadziriswa. Maererano nokubudirira kwaiita munhu, aikurudzirwa ‘kutsaura chimwe chinhu’ somupiro kuti zvaidiwa izvi zvivepo. (1 VaK. 16:1-3) Kupa kwavo kwakaguma nokuti vanhu vose vakafara ‘nokuonga Mwari zvikuru.’—2 VaK. 9:11, 12.

Nhasi basa romunyika yose revanhu vaJehovha rinoramba richiwedzera, richida rutsigiro rwemari yakawanda zvikuru. Zvakakodzera kuti nesuwo ‘titsaure chimwe chinhu’ nguva nenguva kubatsira kuti zvinodiwa zvivepo. (2 VaK. 8:3, 4) Kupa zvinhu kunogona kuitwa munzira dzakasiyana-siyana. (Ona Nharireyomurindi yaNovember 1, 2001, mapeji 28-9.) Tinoita zvakanaka kuona iyi seropafadzo inounza mufaro wechokwadi.—Mab. 20:35.