Misangano Yebasa yaDecember
Vhiki Inotanga na7 December
10 min: Zviziviso zvomunzvimbomo. Zviziviso zvakasarudzwa muUshumiri Hwedu hwoUmambo.
15 min: “Tinofanira Kuramba Tichishanya.” Mibvunzo nemhinduro. Tsinhirai zvishomanene Ezekieri 3:17-19, muchisimbisa basa redu rokuramba tichishevedzera shoko renyevero.
20 min: “Kugovera Bhuku raZivo.” Hama inokurukura nyaya yacho nevaparidzi vaviri kana kuti vatatu vanokwanisa. Enzanisirai kuti chinogoverwa chaDecember chingagoverwa sei.
Rwiyo 176 nomunyengetero wokugumisa.
Vhiki Inotanga na14 December
10 min: Zviziviso zvomunzvimbomo. Mushumo weakaunzi. Ipai mashoko okuti tingapindura sei nounyanzvi kwaziso dzemazororo enyika. Kana ungano dzine makopi emabhuku aMunhu Mukurusa kana kuti Mudzidzisi Mukuru, ratidzai kuti angashandiswa sei zvakanaka muushumiri panguva yamazororo eKirisimasi. Zivisai gadziriro chaidzo dzebasa romumunda dzakarongerwa 25 December na1 January.
15 min: “Vatariri Vanopa Nhungamiro—Muitisi weFundo yeNharireyomurindi.” Hurukuro inopiwa nomuitisi weFundo yeNharireyomurindi. Anotsanangura mabasa ake uye kuti vamwe vanenge varipo vangabatsira sei kuita kuti fundo yacho inakidze, idzidzise, uye ivake mumudzimu.—Ona Ushumiri Hwedu, mapeji 66, 67.
20 min: “Vanogona Kuona Kuti Takasiyana.” Mibvunzo nemhinduro. Hwirudzurai zvishomanene chinhu chimwe nechimwe chinotiita tive vakasiyana. Ratidzai kuti mashoko aya angashandiswa sei pakunangidzira vanofarira kusangano uye pakuvaratidza kuti chokwadi chinobereka sei unhu hwechiKristu mune vanorarama maererano nacho.
Rwiyo 146 nomunyengetero wokugumisa.
Vhiki Inotanga na21 December
8 min: Zviziviso zvomunzvimbomo. Kana ungano yenyu ichizochinja nguva dzemisangano yegore idzva, kurudzirai nomutsa vose kuramba vachipinda neungano nguva dzose panguva dzayo itsva. Yeuchidzai vaparidzi kuti vataurire vadzidzi veBhaibheri nevamwe vanofarira nezvekuchinja kwose. Kurudzirai vaparidzi vose kuti vachengete makopi avo eUshumiri Hwedu hwoUmambo, kunyanyanyanya wedzero dzacho. Tingangozodazve mashoko ari madziri munguva iri mberi.
12 min: Zvinodikanwa zvomunzvimbomo.
25 min: “Vakira Upenyu Hwako Pabasa raJehovha.” Mibvunzo nemhinduro. Bvunzurudzai munhu asina kuroora kana kuroorwa uye musoro wemhuri vave vachibudirira kuramba vane purogiramu inopfuurira, yenguva dzose mubasa romumunda vhiki roga roga. Itai kuti vataure kurongeka kwomunhu oga kunodiwa kuitira kuti vape zvinhu zvomudzimu nzvimbo yokutanga.
Rwiyo 119 nomunyengetero wokugumisa.
Vhiki Inotanga na28 December
10 min: Zviziviso zvomunzvimbomo. Yeuchidzai vose kuisa mishumo yavo yebasa romumunda yaDecember. Ratidzai mabhuku ekare akabudiswa 1985 asati asvika aripo achagoverwa muna January. Kurudzirai vaparidzi kutora mamwe kuti vaagovere kupera kuno kwevhiki.
10 min: “Batsirwa Nepurogiramu yeChikoro Choushumiri Choubati Ushe hwaMwari ya1999.” Hurukuro inopiwa nomuitisi weChikoro Choushumiri Choubati Ushe hwaMwari. Itai kuti vamwe vaparidzi vataure nezvekubatsirwa kwavakaitwa nokuramba vachitevera “Purogiramu Yokuwedzera Yokurava Bhaibheri” vhiki roga roga. Kurudzirai vose kurava Shoko raMwari zuva nezuva.
25 min: Ramba Uchifambira Mberi Mumudzimu. Hurukuro inopiwa nomukuru inobva muNharireyomurindi yaOctober 1, 1998, mapeji 28-31. Vaduku vakati kuti vanosiya chokwadi makore mashomanene chete kana kunyange mwedzi mishomanene vabhabhatidzwa. Kungava here kuti vanofunga kuti kubhabhatidzwa kwoga kwakakwana? Simbisai kukosha kwefundo yomunhu oga yenguva dzose pashure pokubhabhatidzwa. Bvunzurudzai pwere imwe kana kuti mbiri dzomuenzaniso wakanaka kuti dziratidze kuti fundo yomunhu oga yakavabatsira sei kufambira mberi.
Rwiyo 195 nomunyengetero wokugumisa.