Kutsvaka Zvokwadi Kwakatuswa

ACHIWANA gutsikano duku somuparidziwo zvake muChechi yePresbyterian, mumwe murume akatanga kutsvaka chechi yechokwadi yaMwari. Iye akanyora zvinodikanwa gumi izvo iye akarangarira kuti chechi yechokwadi inofanira kuva nazvo. Iye aitova nenzwisiso yakarurama yokusava yapamagwaro kwehero yomwoto, kusafa kwomweya, zvichingodaro. Akatsvaka kwamakore 30. Apo akawanwa nomumwe weZvapupu zvaJehovha, akavamba kubvunza mibvunzo yake, yakadai: “Ndiani ari boka duku? Ndivanaani vari 144 000 uye mamwe makwai?” Achiwana mhinduro dzinogutsa, iye akabvuma fundo yeBhaibheri. Pashure pemwedzi mitatu iye akati kuChapupu: “Eya, Hama, chechi yechokwadi yaMwari Zvapupu zvaJehovha.” Iye zvino ava namakore 71 ezera uye anofara kuti akawana chechi yechokwadi pashure pamakore 30 okutsvaka!