Jesu Anoporesa Varwere

JESU zvaanofamba munyika yose yose, anoporesa varwere, Mashoko amanenji aya anotaurwa nezvawo mumisha nomumataundi mose. Vanhu vanomuunzira avo vari zvirema, mapofu, matsi navamwe vazhinji vanorwara. Jesu anovaporesa vose.

Anopfuura makore matatu zvino apfuura chifo chokubhapatidzwa kwaJesu naJohane. Uye Jesu anoudza vaapostora vake kuti nokukurumidza achakwira Jerusarema, kwaachauraiwa, ibvei omuka muvakafa. Kurizvino, Jesu anopfuurira kuporesa varwere.

Rimwe zuva Jesu ari kudzidzisa paSabata, zuva rezororo ravaJudha. Mukadzi waunoona pano ave achirwara kwazvo. Kwamakore 18 akanga akafunyana, asingagoni kuti twasu. Nokudaro Jesu anoisa maoko ake paari, uye anovamba kumira. Aporeswa!

Ikoku kunotsamwisa vatungamiriri vorudzidziso. ʼKuna mazuva 6 atinofanira kushanda maari,ʼ mumwe wavo anodanidzira kuboka. ʼIwawo ndiwo mazuva okuuya kuzoporeswa, kwete paSabata!ʼ

Asi Jesu anopindura kuti: ʼImi vanhu vakashata. Aninaani wenyu angasunungura mbongoro yake ndokundoinwisa paSabata. Zvino uyu mukadzi, ave achirwara kwamakore 18, haazaifanira kuporeswa paSabata here?ʼ Kupindura kwaJesu kunonyadzisa vanhu vakaipa ava.

Gare gare Jesu navaapostora vake vanoenda Jerusarema. Pavakanga vava pedyo netaundi reJeriko zvikuru, mapofu mairi aipemha anonzwa kuti Jesu ari kupfuura. Ipapo anodanidzira kuti: ʼJesu, tibetserei!ʼ

Jesu anodanira mapofu kwaari, achiti: ʼMunoda kuti ndikuitireiko?ʼ Anoti: ʼIshe, meso edu ngaasvinudzwe.ʼ Jesu anobata meso avo, uye pakarepo anogona kuona! Unoziva here kuti nei Jesu achiita manenji aya ose anoshamisa? Nokuti anoda vanhu uye anoda kuti vave nokutenda maari. Nokudaro tingava nechokwadi chokuti apo anobata ushe saMambo hakuna munhu pasi pano acharwarazve.