Hanaaqqanno Gashshaasine—Maganu Gashshooti Assannore

Hanaaqqanno gashshaasine lowo diro manna beebba assidhino daafira, xaa yannara mannu addaxxinanni gashshaasine heedhansara halchanno. Tenne hajo daafira addi addi gobbara xiinxallo assine 2023ni fushshinoonni; hatti rippoorte kultanno garinni, batinyu manni hakkey geya addaxxannokki manni giddo umiri poletiku gashshaanooti.a

Qullaawu Maxaafi mittu baxxino gashshooti noota kulanno; konni gashshooti Gashshaanchi woꞌma giddonni addaxxinanniho, horo hanaaqannokkihonna ammanaminoho. Kuni gashshooti Maganu Gashshooteeti; konni gashshooti Gashshaanchi kayinni Yesuusi Kiristoosiiti.—Isayaasi 9:7.

Yesuusi mannu daafira godowinta hedannota leellishino. (Maatewoosi 9:35, 36) Isi Maganu Gashshooti Moote ikkino daafira, gashshootesi baxxe doodhitannori baalu taashshonna keere afidhanno gede assanno.—Faarso 72:12-14.