Ola—Maganu Gashshooti Assannore

Alamete aana olu xaano lowo manna xoqolanni, lowore hunanni, hattono lowo manna mitiinsannilla no. Hanni aante noo odoo laꞌno:

• “Niro olunni goofino manni kiiro lowo geeshsha lexxitino; kuni ikkinohu roorenkanni Itiyophiyahonna Yukireenete kaino olinni kainohunniiti; 1994 kawa kageeshshi manni reyinohu wolu diri dino.”—Peace Research Institute Oslo, Ella 7, 2023.

• “Yukireenete kaino oli, 2022nni roore lexxino oli giddo mittoholla. Alamete doyichora, sai diro poletiku gaanci xibbunni 27 anga lexxino; konninni kainohunni 1.7 biliyoone ikkanno manni gawajjamino.”—The Armed Conflict Location & Event Data Project (ACLED), Ammajje 8, 2023.

Qullaawu Maxaafi hexxo noonketa kulanno. “Gordu Magani horonta diigamannokki . . . gashshoote uurrisanno” yaanno. (Daanieeli 2:44) Maganu hakkunni gashshooti widoonni, “baattote qacce geeshsha nooha ola uurrisanno.”—Faarso 46:9.