කුළු බඩු වෙළදාම

අද ලෝක වෙළඳපොළේ ඛනිජ තෙල්වලට තියෙන්නේ ප්‍රධාන තැනක් කියලා කවුරුත් දන්නවා. ඒත් 16වෙනි සියවසේ නම් ඒ තැන හිමි වුණේ කුළු බඩුවලට. ඉන්දුනීසියානු දූපත්වලින් යුරෝපයට ගෙනාපු සාදික්කා සහ කරාබු නැටිවලට ඒ කාලේ ලොකු ඉල්ලුමක් තිබුණා.

ඒ නිසා ක්‍රිස්ටෝෆර් කොලොම්බස්, වස්කෝ ද ගාමා, ෆඩිනන්ඩ් මැගලන්, සැමුවෙල් ඩී චැම්ප්ලේන් හා හෙන්රි හඩ්සන් කියන ගවේශකයන් කුළු බඩු තිබුණ ඒ දූපත් හොයාගෙන ගියා. ඒ ගමනේදී කුළු බඩු විතරක් නෙමෙයි ඒ වෙනකොට හොයාගෙන තිබුණේ නැති අලුත් රටවල් හොයාගන්නත් ඔවුන්ට පුළුවන් වුණා.