“මහත් මූල්යමය විනාශයක්”
නයිජීරියාවේ පිබිදෙවි! වාර්තාකරු විසිනි
යූනිසෙෆ් ආයතනයේ (එක්සත් ජාතීන්ගේ ළමා අරමුදල) වාර්තාවක් අනුව, අප්රිකාවේ සබ්-සහරන් ප්රදේශය “මහත් මූල්යමය විනාශයකින්” පීඩා විඳියි. මිලියන 220ක් පමණ ජනයා—ජනගහනයෙන් අඩක් පමණ—ඔවුන්ගේ මූලික අවශ්යතාවන් පවා සපුරාලිය නොහැකිව අන්ත දිළිඳුභාවයෙන් ජීවත් වෙති. දශකයකට පෙර ජීවත් වූ සාමාන්ය පුරවැසියා හා සැසඳු විට දැන් ඔහු හෝ ඇය සියයට 20කින් වඩාත් දිළිඳුභාවයෙන් ජීවත් වෙයි.
එක්දහස් නවසිය අසූ ගණන් අධ්යාපනය අතින් “සියල්ල නැතිවූ දශකය” හැටියට විස්තර කළ හැක. ශිෂ්යයෙකු සඳහා වියදම තුනෙන් එකකින් පහත වැටුණු අතර, ප්රාථමික පාසැල් ලියාපදිංචි කිරීම සියයට 79 සිට 67 දක්වා පහත වැටිණ. බොහෝ අප්රිකානු රටවල සෞඛ්ය ආරක්ෂක සේවා දුර්වල වෙමින්ද, සායන බොහොමයක් සේවකයන්ගේ හා ඖෂධවල අඩුපාඩුව හේතුවෙන් වැසෙමින්ද පවතී.
මහාද්වීපයේ ආර්ථික අර්බුදයට හේතු කිහිපයක් වාර්තාව ලැයිස්තුගත කරයි, මේවාට යුද හමුදා සඳහා වියදම, කර්මාන්තවල පිරිහීම සහ අතිවිශාල ණය බර ඇතුළත් වන අතර, ප්රවීණයන් පවසන්නේ මෙය නැවත ගෙවිය නොහැකි බවයි. “තවමත් කල්පනා කර නොතිබෙන පරිමාණයක ජාත්යන්තර ප්රයත්නයක් මගින් මිසක, අප්රිකාව යළි යථා තත්වයට පත් කළ නොහැක” යනුවෙන් යුනිසෙෆ් වාර්තාව පවසයි.
මෙය සිදුවීමට ඉඩකඩ තිබේද? බයිබලය යථාර්ථානුරූපිතව මෙසේ පවසයි: “අධිපතීන් කෙරෙහිවත් පිහිටවිය නොහැකි මනුෂ්ය පුත්රයා කෙරෙහිවත් විශ්වාසය නොතබව්.” (ගීතාවලිය 146:3) අප්රිකාවේ මුල් බැසගත් ප්රශ්නවලට විසඳුම මනුෂ්ය ආණ්ඩු මත රඳා නොපවතී. අප්රිකාවට පමණක් නොව, එහෙත් මුළු ලෝකයටම—කල් පවතින සහනය ගෙනෙනු ලබන්නේ දෙවියන්වහන්සේගේ රාජ්යයයි.—මතෙව් 6:10.
[31වන පිටුවේ පින්තූරයේ හිමිකම් විස්තර]
WHO/OXFAM