Eskê mbeni gouvernement so ayeke capable ti komande dunia kue ayeke dä? Bible atene nyen na ndö ni?

Na yâ ti dunia kue, mingi ti agouvernement ayeke na yâ ti akpale. Même na yâ ti akodro so na bango ni aye ayeke tambela dä nzoni, aye tongana asioni tënë so azo ayeke tene na ndö ti azo ti poroso, arésultat ti a-élection so azo ayeke sûr na ni ape, kangbi so ayeke na popo ti azo ti poroso nga na agrève ayeke ajoué mingi na ndö ti azo ti gouvernement ni.

Bible asara tënë ti mbeni gouvernement so ayeke capable. Peut-être mo mä tënë ti gouvernement ni so awe. A yeke ni la Jésus asara tënë ni lani na yâ ti tapande ti sambela.

• “A lingbi ala sambela tongaso: ‘Babâ ti e so mo yeke na yayu, zia a sara si iri ti mo aga nzoni-kue. Zia Royaume ti mo aga. Zia a sara ye so bê ti mo aye, na yayu legeoko nga na ndö ti sese.’”—Matthieu 6:9, 10.

Bible atene nyen na ndö ti Royaume ni so?

Mbeni Royaume so ayeke capable

Royaume ni ayeke komande na yayu.

• Jésus airi gouvernement ni so “Royaume ti yayu”. (Matthieu 4:17; 5:3, 10, 19, 20). Ndani la lo tene: “Royaume ti mbi ayeke ti dunia so pëpe.”—Jean 18:36.

Royaume ni so ayeke mû ande place ti agouvernement ti azo.

• Bible atene: “Royaume ni so ayeke neka aroyaume [ti azo] so kue nga ayeke futi ala biaku biaku, na gï royaume so oko la ayeke ngbâ lakue lakue.”—Daniel 2:44.

Royaume ni so, Jésus Christ ayeke Gbia ni, a yeke futi ande ni lâ oko ape.

• Bible atene: “Komandema ti lo so ayeke ti lakue lakue ayeke hon lâ oko pëpe, nga a yeke futi royaume ti lo pëpe.”—Daniel 7:13, 14.

Royaume ni ayeke ga ande na siriri nga na nzoni duti na ndö ti sese.

• Bible atene: “Ala oko oko ayeke duti na sisiri na gbe ti akeke ti vigne ti ala nga na gbe ti akeke ti figue ti ala. Zo oko ti zia mbeto na bê ti ala ayeke dä pëpe.”—Michée 4:4, Mbeti ti Nzapa, Tënë so amu fini.

Gi ti hinga ye mingi na ndö ti Royaume ni

Na temps so Jésus ayeke lani na ndö ti sese, lo mû ngoi ti lo kue ti “fa nzoni tënë ti Royaume.” (Matthieu 9:35). Lo tene lani lo tene:

• “A yeke fa ande nzoni tënë ti Royaume na ndö ti sese kue so azo ayeke dä tongana mbeni tënë ti témoin ndali ti amara kue. Na pekoni, nda ni ayeke ga.”—Matthieu 24:14.

Laso, a yeke fa nzoni tënë ti Royaume so na yâ ti akodro ahon 240. E encouragé mo ti gi ti hinga ye na ndö ti Royaume ni so nga bâ tongana nyen la mo peut ti wara aye ti nzoni so Royaume ni ayeke ga ande na ni.

Bâ vidéo Royaume ti Nzapa ayeke nyen?