Wungo ti anyama ti ngonda akiri na gbe ni 73% na yâ ti angu 50 so ahon: Bible atene nyen na ndö ni?

Na lango 9 ti octobre 2024, Ndokua so abâ lege ti aye so angoro e na yâ ti dunia kue (WWF) asigi na mbeni rapport na ndö ti aye so azo ayeke sara so ajoué mingi na ndö ti anyama nga na akeke. Rapport ni afa so “na yâ ti angu 50 so ahon (1970-2020), wungo ti anyama ti ngonda akiri na gbe ni 73%.” Na yâ ti rapport ni, a mû mbeni gbotongo mê, a tene: “E sara ye ahon ndö ni ape, tongana e tene so aye so ayeke passé na yâ ti angu oku so ayeke ga ande la ayeke fa ye so ayeke si na aye so ayeke na fini na ndö ti sese.”

A yeke na lege ni so bê ti mingi ti azo ason na lege ti arapport tongaso. E ye pendere planète ti e nga e ke ti tene anyama ti ngonda abâ pasi. Sentiment ni so ayeke na lege ni ndali ti so Nzapa acréé e ti tene e bâ lege ti anyama.—Genèse 1:27, 28; aProverbe 12:10.

Tongaso, e peut ti hunda terê ti e: ‘Eskê e peut ande ti protégé anyama ti ngonda? Bible atene nyen na ndö ni?’

Mbeni espoir ndali ti kekereke

Atâa a-effort so e sara ti bâ tënë ti kekereke ti anyama, a yeke gï Nzapa oko la apeut biani ti protégé ala. Bible atene na Apocalypse 11:18 so Nzapa ayeke ‘futi ande azo so ayeke futi sese.’ E manda aye use na lege ti versê so:

1. Nzapa ayeke kanga ande lege na azo ti futi sese biani biani.
2. Nzapa ayeke sara ande mbeni ye fafadeso. E hinga ni tongana nyen? Ndali ti so laso azo ayeke fâ anyama ti ngonda mingi ahon ti kozo.

Nyen la Nzapa ayeke sara ande ti leke kpale so? Lo yeke sara ande kua na gouvernement ti lo so ayeke na yayu, wala Royaume ti lo, ti komande sese kue (Matthieu 6:10). Gouvernement so ayeke mû ande mbeni formation na azo so amä yanga ti bâ lege ti anyama ti ngonda nga ti bata ala.—Ésaïe 11:9.