Ndandanda Wa Nsonkhano Wa Basa

Cidzindikiro: Nsonkhano wa basa unadzapitiriza kundandaliswa m’Utumiki Wathu Wa Umambo pa sumana ibodzi na ibodzi ya nthanda zinafuna kudza. Mipingo ingakwanise kucita masasanyiro anafunika towera ikwanise kugumanika pa Nsonkhano wa Gawo wakuti “Kupulumuswa Kuli Cifupi!.” Pingakhala pyakuthema, phatisirani mphindi 15 za Nsonkhano wa kumalisa wa Basa mbamusati kukhala na nsonkhano wa gawo towera kubwerezera uphungu na pikumbuso pinaphata basa m’mpingo mwanu pinagumanika m’nthimiziro wa Utumiki Wathu Wa Umambo wa nthanda ino. Pakumala pita nthanda ibodzi peno ziwiri nsonkhano wanu wa gawo mbudamala citwa, pambulani mphindi 15 mpaka 20 za Nsonkhano wa Basa (panango mungakwanise kuphatisira nzidzi wa pyakufuna pyapampingo) towera kubwerezera ntsonga zikulu-zikulu za nsonkhano wa gawo. Kweneko si kubwerezera kwa ndandanda onsene wa nsonkhano wa gawo tayu. Mbuto mwa pyenepi, gomezerani makhundu akubverana na basa ya m’munda basi. Phembani anyakubvesera towera alonge kuti asaphatisira tani mphangwa zenezi m’utumiki mwawo.

Sumana Inatoma Pa 10 Ya Nthanda Ya Bwinja

Nyimbo 49

Mphindi 10: Pidziwiso pyapampingo. Pidziwiso pyakusankhulwa m’Utumiki Wathu Wa Umambo. M’kuphatisira maperekero umboni anagumanika pa tsamba 8 peno maperekero umboni anango akubverana na cisa canu, pangizani kuti munagawira tani A Sentinela ya 15 de Abril na Despertai! ya Abril. Pa cipangizo cibodzi, mmwazi mphangwa asafunika kugawira bukhu yakuti Biblya Isapfunzisanji kwa mwanaciro nyumba wakuti asapangiza kukomerwa na mphangwa za Biblya.

Mphindi 15: “Tinakwanisa Tani Kupitiriza Kukhala Aphinga.”a Phatanizani mphangwa zakubuluswa m’A Sentinela ya 15 de Junho de 2002, tsamba 14, ndima 13.

Mphindi 20: “Kodi Mungakwanise Kucinja Ndandanda Wanu?”* Pangizani kuti mphangwa zenezi zinaphatisirwa tani m’mpingo mwanu. Longani pya masasanyiro adacitwa na mpingo towera kupereka umboni ncidodo.

Nyimbo 13 na phembero yakumalisa.

Sumana Inatoma Pa 17 Ya Nthanda Ya Bwinja

Nyimbo 104

Mphindi 15: Pidziwiso pyapampingo. Gomezerani masasanyiro a pa mpingo a kukambiwa kwa nkhani yapakweca yakupambulika. Wangisani onsene kuti apitirize na kuphatisira tsamba yakumalisa ya A Sentinela ya 1.° de Abril towera kucemerera ale adagumanika pa Cikumbuso, anyakupfunza a Biblya na anthu anango akukomerwa. Longani mwacigwagwa pyakugumana napyo piwiri peno pitatu m’kuphatisira A Sentinela ineyi m’kucemerera anthu kuti agumanike pa nkhani yapakweca yakupambulika.

Mphindi 12: Pyakufuna pyapampingo.

Mphindi 18: “Citisani Mapfunziro A Biblya A Kuenda Kutsogolo Pa Nsuwo Na M’kuphatisira Ntokodzi.”* Phatanizani cipangizo cacigwagwa cinapangiza kuti mmwazi mphangwa angakwanise kulonganji towera kucitisa kuti pfunziro ya pa nsuwo itome kucitirwa nnyumba.

Nyimbo 162 na phembero yakumalisa.

Sumana Inatoma Pa 24 Ya Nthanda Ya Bwinja

Nyimbo 66

Mphindi 15: Pidziwiso pyapampingo. Lerini lipoti ya kobiri pabodzi na tsamba ya filiali ya kupereka takhuta. Nkati mwa nthanda ya Gonkho tinadzapitiriza kugawira A Sentinela na Despertai! M’kuphatisira maperekero umboni anagumanika pa tsamba 8 peno maperekero umboni anango akubverana na cisa canu, pangizani kuti munagawira tani A Sentinela ya 1.° de Maio na Despertai! ya Maio. Pakumala pipangizo, tsogolerani manyerezero ku misolo inango inagumanika m’marevista anewa yakuti ingakwanise kukomeresa anthu a m’cisa canu.

Mphindi 30: “Pitirizani Na Kudikhira Yahova.”* Isafunika kukambiwa na mulembi wa mpingo. Tcululani nsonkhano wa gawo unafuna kuenda mpingo. Phembani anyakubvesera alonge kuti kubvala karaxa yathu ya nsonkhano wa gawo m’nzidzi onsene unagumanika ife pa nzinda wa nsonkhano wa gawo kungakwanise tani kutifungulira njira ya kupereka umboni. Wangisani anyakubvesera kuti abanze miyai ya kupereka umboni mwantsusukano na kuphatisira formulariu yakuti Queira Visitar (S-43) towera kudziwisa ale adapangiza kukomerwa.

Nyimbo 191 na phembero yakumalisa.

Sumana Inatoma Pa 1 Ya Nthanda Ya Gonkho

Nyimbo 211

Mphindi 5: Pidziwiso pyapampingo. Kumbusani amwazi mphangwa kuti apereke lipoti ya basa ya mmunda ya nthanda ya Bwinja. Dingani bokosi yakuti “Kodi Musasaka Kudziwa Anango Anafuna Kupfunza?” inagumanika pa tsamba 6.

Mphindi 10: “Pangizani Kutsalakana Kwanu Anango—M’kuyang’ana Mwadidi Ale Anaceza Na Imwe.”* Phatanizani cipangizo ca mmwazi mphangwa anayang’ana mwadidi munthu anagumanikana na iye pa mbuto yapakweca, mbatomesa makani na buluka penepo mbamalisira na kupereka umboni.

Mphindi 15: Nyerezerani Mabasa A Yahova. (Sal. 77:12) Nkhani pabodzi na kuceza na anyakubvesera yakubuluswa m’Anuário de 2006. Dingani ntsonga zakuwangisa zinagumanika m’tsamba yakubuluka kwa Mathubo Akutonga. (tsa. 3-5) Dingani mphangwa zinagumanika pantsi pa nsolo ung’ono wakuti “Tradução da Bíblia.” (tsa. 10-11) Longani ntsonga zikulu-zikulu zingasi na pyakugumana napyo pingasi pya caka cidamala. (tsa. 6-64) Phembani anyakubvesera kuti alonge ntsonga zidakomerwa na iwo m’kuleri kwawo Anuário de 2006. Wangisani onsene kuiphatisira towera kuphedza anyakupfunza a Biblya kukulisa kukomerwa kwawo na gulu ya Yahova. Peno dingani A Sentinela ya 1.° de Dezembro de 2005, tsamba 8-12.

Mphindi 15: “Basa Ya Dziko Yonsene Yapantsi Ya Kudziwisa Nsonkhano Wa Gawo Wakuti ‘Kupulumuswa Kuli Cifupi!’”* Musafunika kuleri ndima zonsene.

Nyimbo 82 na phembero yakumalisa.

[Footnotes]