Igikorwa kigoye cane caranguwe n’impwemu nyeranda

Kuva kera abasavyi ba Yehova barakoze ibintu bitangaje, atari kubera ububasha bwabo ariko kubera bafashijwe na Yehova. Mu 1954, ishirahamwe rya Yehova ryarasohoye isinema ivuga ngo Ishirahamwe rya Yehova riri ku kivi (mu congereza). Yateguwe ahanini n’Abanyabeteli ata buhanga bari bafise mu bijanye no gutunganya amasinema. Ico gikorwa cari kigoye ukuraho nticari kurangurwa bidaciye ku mpwemu nyeranda ya Yehova. Ivyo bituma twizigira tudakeka ko dushobora kurangura igikorwa cose twohabwa igihe twihetse kuri Yehova.​—Zk 4:6.

NIMURABE IVIDEWO IVUGA NGO INGENE ISINEMA “ISHIRAHAMWE RYA YEHOVA RIRI KU KIVI” YATEGUWE, MUCE MWISHURA IBIBAZO BIKURIKIRA:

• Kubera iki hafashwe ingingo yo gutegura isinema yerekeye icicaro gikuru?

• Iyo sinema yerekanye gute ko Beteli imeze nk’umubiri w’umuntu?​—1Kr 12:14-20

• Abavukanyi bahuye n’ingorane izihe igihe bariko barategura iyo sinema, kandi bazitsinze gute?

• Ico kintu cabaye kitwigisha iki ku bijanye n’impwemu nyeranda ya Yehova?