ENDONEZIYA
Umukuru w’inkozi z’ikibi aba umunyagihugu mwiza
Hisar Sormin
YAVUTSE 1911
YABATIJWE 1952
IVYIWE MURI MAKE Yahoze atwara akagwi k’inkozi z’ikibi mu nyuma aba uwo mu bagize Komite y’ishami.
IGIHE kimwe, umuvukanyi Sormin yarahamagawe n’umukuru w’iperereza mu biro vy’umushikirizamanza kizigenza.
Uwo mutegetsi yamubwiye ati: “Ndazi ko uri Umunyendoneziya, tuvugane ukuri rero. Ivyabona vya Yehova bariko bakora iki vy’ukuri muri Endoneziya?”
Umuvukanyi Sormin yamwishuye ati: “Reka ndakubwire kahise kanje. Nahoze ndi umukuru w’akagwi k’inkozi z’ikibi. Ariko ubu nigisha abantu Bibiliya. Ico ni co Ivyabona vya Yehova bariko barakora muri Endoneziya. Bariko barafasha abantu b’inkozi z’ikibi kuba abanyagihugu beza.”
Wa mukuru w’iperereza yaciye avuga ati: “Mpora numva hari abidogera Ivyabona vya Yehova. Ariko ubu ndamenye ko ari idini ryiza kuko ryafashije umushingantahe Sormin guhinduka.”