Nararusimvye igihe abakomunisita bagumuka

MU GITONDO co ku wa 1 Gitugutu 1965, igihe abarwanyi bakorana n’umugambwe wo muri Endoneziya w’abakomunisita bagomba gutembagaza ubutegetsi, baragandaguye abajenerali batandatu bakomeye. Leta yaciye ibivuna ata kinya. Mu bwicanyi butagira izina bwaciye bukurikira mu gihugu cose, abantu nka 500.000 bagirizwa ko ari abakomunisita baragandaguwe bunyamaswa.

Inyuma y’amayinga atari make bananiwe gutembagaza ubutegetsi, hari umukuru mu gisirikare yambwiye ko naza ubwa mbere ku rutonde abakomunisita bari bagize rw’abakuru b’amadini bo mu karere iwacu bategerezwa kwicwa. Yarashatse no kunyereka imva bari kumpambamwo, mugabo ndamwankira ndabigiranye urupfasoni. Kubera ko hari uruhagarara mu vya politike, sinashaka ko hagira uwumbona turi kumwe ngo bitume abantu batangura kwibaza ko nanje ndi muri politike.