UBUZIMA BW’UMUKIRISU
Nurushirize kwizera Ijambo ry’Imana
Ijambo ry’Imana rirashobora guhindura ubuzima bwacu. (Heb 4:12) Ariko kugira twungukire ku buyobozi n’impanuro Bibiliya itanga, turakeneye kujijuka ko ari “ijambo ry’Imana” vy’ukuri. (1Ts 2:13) Tworushiriza gute kwizera Bibiliya?
Nusome Bibiliya buri musi. Igihe uyisoma, nurondere ibimenyamenya vyerekana ko Yehova ari we yayandikishije. Nk’akarorero, nurabe impanuro ziri mu gitabu c’Imigani maze wibonere ingene ubukerebutsi buri muri co budata igihe.—Img 13:20; 14:30.
Nuze uriyigisha. Nurondere kumenya neza ibimenyamenya vyerekana ko Bibiliya yahumetswe n’Imana. Nuje mu Gitabu c’ubushakashatsi c’Ivyabona vya Yehova, urabe munsi y’ahavuga ngo “Bibiliya” hama ahavuga ngo “Yahumetswe n’Imana.” Urashobora kandi kurushiriza kwizera ko ubutumwa buri muri Bibiliya butahinduwe mu gusuzuma amakuru ari mu Munara w’Inderetsi No. 4 2016.
NIMURABE IVIDEWO IVUGA NGO IGITUMA TWIZERA . . . IJAMBO RY’IMANA, MUCE MWISHURA IBIBAZO BIKURIKIRA:
Ivyubuwe ku ruhome rw’urusengero rw’i Karnak mu Misiri vyerekana gute ko Ijambo ry’Imana ari ukuri?
Twemezwa n’iki ko ubutumwa buri muri Bibiliya butahindutse?
Kuba Bibiliya ikiriho no muri iki gihe bikwereka gute ko ari Ijambo ry’Imana?—Soma Yesaya 40:8