Urutonde rw’ishure ry’ubusuku bwa gitewokarasi rwo Mu 2009
IBIKURIKIZWA
Mu mwaka wa 2009, ibikurikira ni vyo bizokurikizwa igihe Ishure ry’ubusuku bwa gitewokarasi rizoba ririko rirarongorwa.
ISOKO RY’AMAYAGWA: Bibiliya yera, Umunara w’Inderetsi [w], Igira kuri wa Mwigisha Ahambaye [lr], na “Imitwe yo kuganirako ishingiye kuri Bibiliya,” nk’uko iri mu Mpinduro y’isi nshasha [td], ni vyo bizoba ishimikiro ry’ibiganiro.
Ishure rikwiye gutangura KU GIHE, rigatangurwa n’amajambo magufi y’ikaze, maze rigaca ribandanya nk’uko vyerekanywe aha hepfo. Ikiganiro kimwekimwe cose kirangiye, umucungezi w’ishure azoha ikaze uwushikiriza ikiganiro gikurikira.
IVYIYUMVIRO BIKURUBIKURU VYO MU GISOMWA CA BIBILIYA: Iminuta 10. Mu minuta ine ya mbere, umukurambere abishoboye canke umukozi w’ishengero akwiye kurimbura ivyiyumviro bishingiye ku Vyanditswe, akuye mu gisomwa ca Bibiliya c’umushamvu. Ukwo si ko bizogenda igihe igisomwa ca Bibiliya c’umushamvu kizoba gitangurana n’ikigabane gitangurira igitabu ca Bibiliya. Mu bihe nk’ivyo, amayagwa y’iminuta ine ya mbere akwiye gukurwa mu rukurikirane rw’ibiganiro rwatanguranye n’Umunara w’Inderetsi wo ku wa 1 Nzero 2004 rugira ruti: “Ijambo rya Yehova ni rizima.” Nk’akarorero, ibigabane bitanu vya mbere vyo mu gitabu c’Itanguriro bizokwihwezwa ku ndwi yo ku wa 5 Nzero, ku bw’ivyo umushikirizansiguro akwiye kurobanura ivyiyumviro bikurubikuru bikeya vyo mw’Itanguriro nk’uko tubisanga mu Munara w’Inderetsi wo ku wa 1 Nzero 2004. Akwiye gukoresha ayo mayagwa mu buryo buzogirira akamaro ishengero. Ico kiganiro, caba gishingiye ku gisomwa ca Bibiliya c’umushamvu canke ku vyiyumviro bikurwa mu Munara w’Inderetsi, intumbero nyamukuru ni iyo gufasha abumviriza gutahura igituma be n’ukuntu ayo mayagwa ari ay’agaciro. Nyene kugishikiriza akwiye kwiyubara ntarenze ya minuta ine yagenewe igice gitangura. Akwiye kuraba neza ko asigaza iminuta itandatu kugira ngo abumviriza batange insasanuro ngufingufi z’amasegunda 30 canke adashika, ku vyiyumviro vyabashimishije mu gisomwa ca Bibiliya c’umushamvu. Umucungezi w’ishure azoca arungika abanyeshure bagenewe kuja mu yandi masomero.
IKIGANIRO NO. 1: Iminuta 4 canke idashika. Ico ni igisomwa gishikirizwa n’umuvukanyi. Umunyeshure akwiye gusoma amayagwa yatanzwe atarinze gushikiriza intangamarara canke insozero. Umucungezi w’ishure azokwitwararika canecane gufasha abanyeshure gusoma batahura ivyo bariko barasoma, kuvuga borohewe, gushimika mu buryo bubereye, guhindagura ijwi, kuruhuka mu buryo bubereye be no kumera uko basanzwe bameze.
IKIGANIRO NO. 2: Iminuta 5. Ico kizoshingwa umuvukanyikazi. Uwo munyeshure azohabwa ikiringo afatirako canke atore kimwe mu bitondetse ku rupapuro rwa 82 mu gitabu Niwungukire ku Nyigisho yo mw’Ishure ry’Ubusuku bwa Gitewokarasi. Umutwe-shimikiro watanzwe ukwiye gukoreshwa kandi ukerekezwa ku muce munaka w’umurimo wo mu ndimiro, bikagirwa mu buryo bwerekana ibintu bibaho koko mu cibare canyu kandi ngirakamaro muri co. Igihe haterekanywe aho umunyeshure akura amayagwa, azokenera gutororokanya amayagwa akoresha ku bw’ico kiganiro mu kugira ubushakashatsi mu bisohokayandikiro vyacu. Umucungezi w’ishure azokwitwararika canecane uburyo umunyeshure aca irya n’ino ayo mayagwa be n’uburyo afasha uwo asanze ku muhana kuzirikana ku Vyanditswe no gutahura ivyiyumviro nyamukuru vy’ico kiganiro. Umucungezi w’ishure azogena uwufasha nyene gushikiriza ico kiganiro.
IKIGANIRO NO. 3: Iminuta 5. Ico coshobora gushingwa umuvukanyi canke umuvukanyikazi. Uwo munyeshure akwiye guca irya n’ino umutwe-shimikiro watanzwe. Igihe haterekanywe aho umunyeshure akura amayagwa, azokenera gutororokanya amayagwa akoresha ku bw’ico kiganiro mu kugira ubushakashatsi mu bisohokayandikiro vyacu. Igihe ico kiganiro gishinzwe umuvukanyi, gikwiye gushikirizwa nk’insiguro, akagishikiriza afise mu muzirikanyi abari mu Ngoro y’Ubwami. Igihe gishinzwe umuvukanyikazi, gikwiye kwama gishikirizwa nk’uko vyerekanywe ku kiganiro No. 2. Muramenye yuko imitwe y’ibiganiro iriko akanyenyeri ikwiye kwama ishingwa abavukanyi bakayishikiriza bwa nsiguro, kandi igihe cose bibereye hakwiye gukoreshwa umukurambere canke umukozi w’ishengero.
IMPANURO: Kuva ku munuta 1 gushika kuri 2. Umucungezi w’ishure ntazomenyesha imbere y’igihe kamere y’ivy’ukuvuga umunyeshure ariko arakorerako. Inyuma y’ikiganiro No. 1, No. 2, na No. 3, umucungezi w’ishure azokeza umunyeshure ku muce munaka w’ikiganiro yakozeko neza, yerekane imvo zitomoye zatumye uwo muce uba ngirakamaro muri ico kiganiro, yongere aze arerekeza ku gitabu c’Ishure ry’Ubusuku. Hakurikijwe ivyo umunyeshure wese akeneye, izindi mpanuro zubaka zoshobora gutangirwa mu mwiherero ikoraniro rirangiye canke ikindi gihe.
UMWANYA: Nta kigabu na kimwe gikwiye kurenza umwanya canke ngo amajambo y’umuhanuzi awurenze. Ibiganiro No. 1, No. 2, be na No. 3 bikwiye guhagarikwa bigiranywe ubugenge igihe umwanya wabigenewe urangiye. Mu gihe abavukanyi bashikiriza ivyiyumviro bikurubikuru vyo mu gisomwa ca Bibiliya barengeje umwanya, bakwiye guhabwa impanuro mu mwiherero. Bose bakwiye kutarenza umwanya. Porogarama yose hamwe izomara iminuta 30.
URUKARATASI RW’IMPANURO: Ruri mu gitabu c’Ishure ry’Ubusuku.
UMUHANUZI W’INYONGERA: Inama y’abakurambere yoshobora gutora umukurambere abishoboye nimba ahari, akaza yiyongera ku mucungezi w’ishure, kugira abe umuhanuzi w’inyongera. Nimba mw’ishengero hari abakurambere benshi, ico gihe abakurambere babishoboye barashobora kuza barakurakuranwa muri iryo banga uko umwaka utashe. Umuhanuzi w’inyongera azoba ajejwe gutanga impanuro mu mwiherero igihe bikenewe, akaziha abavukanyi bashikiriza ivyiyumviro bikurubikuru vyo muri Bibiliya. Si ngombwa ngo yame atanga impanuro inyuma y’ikiganiro kimwekimwe cose muri ivyo biganiro bishikirizwa n’abakurambere bagenziwe canke bishikirizwa n’abakozi b’ishengero.
ISUBIRAMWO RYO MW’ISHURE RY’UBUSUKU BWA GITEWOKARASI: Iminuta 20. Uko amezi abiri ahaciye, umucungezi w’ishure azoza arayobora isubiramwo. Imbere y’iryo subiramwo, hazorimburwa ivyiyumviro bikurubikuru vyo mu gisomwa ca Bibiliya, bikazogirwa nk’uko vyerekanywe aho haruguru. Iryo subiramwo rizoba rishingiye ku mayagwa yarimbuwe mw’ishure mu mezi abiri aheruka, dushizemwo n’iyo ndwi iberamwo iryo subiramwo. Mu gihe ishengero ryanyu ryoba rifise iteraniro ry’umuzunguruko canke rikaba rizogenderwa n’umucungezi w’umuzunguruko mu ndwi iberamwo Isubiramwo ryo mw’Ishure ry’ubusuku bwa gitewokarasi, ico gihe iryo subiramwo rikwiye kwungururizwa ku ndwi ikurikira, hanyuma hagashikirizwa ibiganiro No. 1, No. 2, be na No. 3 vyo mu ndwi ikurikira. Nta mahinduka akwiye kuhaba ku bijanye n’ugusoma Bibiliya kw’umushamvu canke ku bijanye n’ugushikiriza ibikurubikuru vyo muri Bibiliya.
Urutonde
5 Nzero Igisomwa ca Bibiliya: Itanguriro 1-5
No. 1: Itanguriro 3:1-15
No. 2: Igituma Yezu yari Umwigisha Ahambaye (lr ikig. 1)
No. 3: Ni igiki kitari ic’ubusa? (1 Kor. 15:58)
12 Nzero Igisomwa ca Bibiliya: Itanguriro 6-10
No. 1: Itanguriro 9:1-17
No. 2: Tugume turi maso mu buryo bw’impwemu tubone ikimenyetso c’imisi ya nyuma (td 14B)
No. 3: Ikete ryavuye ku Mana y’urukundo (lr ikig. 2)
19 Nzero Igisomwa ca Bibiliya: Itanguriro 11-16
No. 1: Itanguriro 14:1-16
No. 2: Uwaremye ibintu vyose (lr ikig. 3)
No. 3: Yehova atubumbabumba gute? (Yes. 64:8)
26 Nzero Igisomwa ca Bibiliya: Itanguriro 17-20
No. 1: Itanguriro 17:1-17
No. 2: Impwemu nyeranda n’iki? (td 15A)
No. 3: Imana irafise izina (lr ikig. 4)
2 Ruhuh. Igisomwa ca Bibiliya: Itanguriro 21-24
No. 1: Itanguriro 22:1-18
No. 2: ‘Uyu ni Umwana wanje’ (lr ikig. 5)
No. 3: a Uburyo dushobora kwaguka mu rukundo dukunda abandi (2 Kor. 6:11-13)
9 Ruhuh. Igisomwa ca Bibiliya: Itanguriro 25-28
No. 1: Itanguriro 25:1-18
No. 2: Wa Mwigisha Ahambaye yarakorera abandi bantu (lr ikig. 6)
No. 3: Inguvu y’ubuzima y’umuntu n’iy’igikoko yitwa impwemu (td 15B)
16 Ruhuh. Igisomwa ca Bibiliya: Itanguriro 29-31
No. 1: Itanguriro 29:1-20
No. 2: Igituma dukwiye ‘kureka kwiganyira’ (Mat. 6:25)
No. 3: Ukugamburuka kuragukingira (lr ikig. 7)
23 Ruhuh. Igisomwa ca Bibiliya: Itanguriro 32-35
Isubiramwo ryo mw’Ishure ry’ubusuku bwa gitewokarasi
2 Ntwar. Igisomwa ca Bibiliya: Itanguriro 36-39
No. 1: Itanguriro 39:1-16
No. 2: Hariho abandi baturengeye (lr ikig. 8)
No. 3: Ni kubera iki twokwirinda ubwoko bwose bw’ubupfumu? (td 15C)
9 Ntwar. Igisomwa ca Bibiliya: Itanguriro 40-42
No. 1: Itanguriro 40:1-15
No. 2: Turakeneye kunanira ibitwosha nabi (lr ikig. 9)
No. 3: b Uraba maso ku gatima k’ubwigenge!
16 Ntwar. Igisomwa ca Bibiliya: Itanguriro 43-46
No. 1: Itanguriro 44:1-17
No. 2: Ububasha Yezu afise ku madayimoni (lr ikig. 10)
No. 3: Ubuzima bw’umuntu bwa Yezu bwabaye incungu ya bose (td 16A)
23 Ntwar. Igisomwa ca Bibiliya: Itanguriro 47-50
No. 1: Itanguriro 48:1-16
No. 2: Twoba dukwiye gutinya wa Mubesheranyi?
No. 3: Imfashanyo itangwa n’abamarayika b’Imana (lr ikig. 11)
30 Ntwar. Igisomwa ca Bibiliya: Kuvayo 1-6
No. 1: Kuvayo 1:1-19
No. 2: Yezu aratwigisha gusenga (lr ikig. 12)
No. 3: Igituma Yezu yari ashoboye gutanga incungu (td 16B)
6 Ndam. Igisomwa ca Bibiliya: Kuvayo 7-10
No. 1: Kuvayo 9:1-19
No. 2: Ababaye abigishwa ba Yezu (lr ikig. 13)
No. 3: c Dushobora gute guhuza Abagalatiya 6:2 hamwe n’Abagalatiya 6:5?
13 Ndam. Igisomwa ca Bibiliya: Kuvayo 11-14
No. 1: Kuvayo 12:21-36
No. 2: Igituma dukwiye kubabarira abandi (lr ikig. 14)
No. 3: Siyansi y’ukuri irashigikira inkuru yo muri Bibiliya ivuga ivy’irema (td 17A)
20 Ndam. Igisomwa ca Bibiliya: Kuvayo 15-18
No. 1: Kuvayo 15:1-19
No. 2: Kuguma tutandujwe n’ugusenga kw’ikinyoma, birimwo ibiki?
No. 3: Icigwa ku vyerekeye kugira umutima mwiza (lr ikig. 15)
27 Ndam. Igisomwa ca Bibiliya: Kuvayo 19-22
Isubiramwo ryo mw’Ishure ry’ubusuku bwa gitewokarasi
4 Rus. Igisomwa ca Bibiliya: Kuvayo 23-26
No. 1: Kuvayo 24:1-18
No. 2: Igihambaye vy’ukuri ni igiki? (lr ikig. 16)
No. 3: Umusi umwumwe wose w’irema, woba wari umusi w’amasaha 24? (td 17B)
11 Rus. Igisomwa ca Bibiliya: Kuvayo 27-29
No. 1: Kuvayo 29:1-18
No. 2: Uburyo bwo kugira agahimbare (lr ikig. 17)
No. 3: d Ukudahemuka kutari kwo be n’ingeramizi zakwo
18 Rus. Igisomwa ca Bibiliya: Kuvayo 30-33
No. 1: Kuvayo 31:1-18
No. 2: Abakirisu ntibabwirizwa kwubahiriza Isabato (td 18A)
No. 3: Woba wibuka gushima? (lr ikig. 18)
25 Rus. Igisomwa ca Bibiliya: Kuvayo 34-37
No. 1: Kuvayo 37:1-24
No. 2: Kurwana vyoba ari vyiza? (lr ikig. 19)
No. 3: e Ukurekerana ibintu n’iki, kandi ni kubera iki dukwiye kuvyirinda?
1 Ruh. Igisomwa ca Bibiliya: Kuvayo 38-40
No. 1: Kuvayo 40:1-19
No. 2: Woba wama ushaka kuba uw’imbere? (lr ikig. 20)
No. 3: Itegeko rijanye no kwubahiriza Isabato ntiryahawe abakirisu (td 18B)
8 Ruh. Igisomwa ca Bibiliya: Abalewi 1-5
No. 1: Abalewi 4:1-15
No. 2: Hoba hari ikintu na kimwe gikwiye gutuma twiyemera? (lr ikig. 21)
No. 3: f Abakirisu bakwiye gukoresha gute ubukuru bafise?
15 Ruh. Igisomwa ca Bibiliya: Abalewi 6-9
No. 1: Abalewi 8:1-17
No. 2: Igihe akaruhuko k’Imana k’Isabato gatangurira n’igihe gaherera (td 18C)
No. 3: Igituma tudakwiye kubesha (lr ikig. 22)
22 Ruh. Igisomwa ca Bibiliya: Abalewi 10-13
No. 1: Abalewi 11:29-45
No. 2: Igituma abantu barwara (lr ikig. 23)
No. 3: Imihezagiro abigishwa babatijwe baronka
29 Ruh. Igisomwa ca Bibiliya: Abalewi 14-16
Isubiramwo ryo mw’Ishure ry’ubusuku bwa gitewokarasi
6 Muk. Igisomwa ca Bibiliya: Abalewi 17-20
No. 1: Abalewi 19:1-18
No. 2: Amasengesho Imana yumva (td 19A)
No. 3: Ntukigere uba umusuma! (lr ikig. 24)
13 Muk. Igisomwa ca Bibiliya: Abalewi 21-24
No. 1: Abalewi 22:17-33
No. 2: Abakora ibintu bibi boba bashobora guhinduka? (lr ikig. 25)
No. 3: Ukuntu abakirisu b’ukuri bitwararika abakene
20 Muk. Igisomwa ca Bibiliya: Abalewi 25-27
No. 1: Abalewi 25:39-54
No. 2: Igituma bigoye gukora ivyiza (lr ikig. 26)
No. 3: Igituma amasengesho amwamwe atemerwa (td 19B)
27 Muk. Igisomwa ca Bibiliya: Guharūra 1-3
No. 1: Guharūra 3:1-20
No. 2: Igituma ubwitonzi busaba ukwigumya
No. 3: Imana yawe ni nde? (lr ikig. 27)
3 Myand. Igisomwa ca Bibiliya: Guharūra 4-6
No. 1: Guharūra 4:1-16
No. 2: Ukuntu womenya uwo ukwiye kugamburukira (lr ikig. 28)
No. 3: Isi yaremwe kugira ngo ibe Iparadizo (td 20A)
10 Myand. Igisomwa ca Bibiliya: Guharūra 7-9
No. 1: Guharūra 9:1-14
No. 2: Imisi mikuru yose yoba ihimbara Imana? (lr ikig. 29)
No. 3: Uburyo twerekaniramwo ko turi intadohoka kuri Yehova
17 Myand. Igisomwa ca Bibiliya: Guharūra 10-13
No. 1: Guharūra 13:17-33
No. 2: Icodufasha gutsinda ubwoba (lr ikig. 30)
No. 3: Ubuzima kw’isi ntibuzokwigera buhera (td 20B)
24 Myand. Igisomwa ca Bibiliya: Guharūra 14-16
No. 1: Guharūra 14:26-43
No. 2: Gukunda Itegeko ry’Imana bisobanura iki? (Zab. 119:97)
No. 3: Aho twokura ikiduhumuriza (lr ikig. 31)
31 Myand. Igisomwa ca Bibiliya: Guharūra 17-21
Isubiramwo ryo mw’Ishure ry’ubusuku bwa gitewokarasi
7 Nyak. Igisomwa ca Bibiliya: Guharūra 22-25
No. 1: Guharūra 22:20-35
No. 2: Ingene Yezu yakingiwe (lr ikig. 32)
No. 3: Umuntu ntiyandikiwe ibimushikira (td 21A)
14 Nyak. Igisomwa ca Bibiliya: Guharūra 26-29
No. 1: Guharūra 27:1-14
No. 2: Kuyobora ivyiyumviro bisobanura iki, kandi ni kubera iki bihambaye? (Ef. 6:4)
No. 3: Yezu arashobora kudukingira (lr ikig. 33)
21 Nyak. Igisomwa ca Bibiliya: Guharūra 30-32
No. 1: Guharūra 32:1-15
No. 2: Nitwapfa bizotugendera gute? (lr ikig. 34)
No. 3: Ivyabona vya Yehova ryoba ari idini rishasha? (td 22A)
28 Nyak. Igisomwa ca Bibiliya: Guharūra 33-36
No. 1: Guharūra 33:1-23
No. 2: Turashobora gukanguka tukava mu rupfu! (lr ikig. 35)
No. 3: Uburyo butandukanye Ubwami bw’Imana busumba intwaro zose z’abantu
5 Git. Igisomwa ca Bibiliya: Gusubira mu vyagezwe 1-3
No. 1: Gusubira mu vyagezwe 2:1-15
No. 2: Ni bande bazozurwa? (td 23A)
No. 3: Ni bande bazozuka? None bazoba hehe? (lr ikig. 36)
12 Git. Igisomwa ca Bibiliya: Gusubira mu vyagezwe 4-6
No. 1: Gusubira mu vyagezwe 4:15-28
No. 2: Niwibuke Yehova be n’umwana wiwe (lr ikig. 37)
No. 3: Ni ryari bishobora kuvugwa yuko bike ari vyo vyiza kuruta? (Imig. 15:16)
19 Git. Igisomwa ca Bibiliya: Gusubira mu vyagezwe 7-10
No. 1: Gusubira mu vyagezwe 9:1-14
No. 2: Igituma dukwiye gukunda Yezu (lr ikig. 38)
No. 3: Abapfuye bazozukira hehe? (td 23B)
26 Git. Igisomwa ca Bibiliya: Gusubira mu vyagezwe 11-13
Isubiramwo ryo mw’Ishure ry’ubusuku bwa gitewokarasi
2 Muny. Igisomwa ca Bibiliya: Gusubira mu vyagezwe 14-18
No. 1: Gusubira mu vyagezwe 15:1-15
No. 2: Ukwubaha Imana kurimwo ibiki?
No. 3: Imana iribuka Umwana wayo (lr ikig. 39)
9 Muny. Igisomwa ca Bibiliya: Gusubira mu vyagezwe 19-22
No. 1: Gusubira mu vyagezwe 22:1-19
No. 2: Ingene twohimbara Imana (lr ikig. 40)
No. 3: Wa Mubesheranyi yoba ari umuntu abaho koko? (td 24A)
16 Muny. Igisomwa ca Bibiliya: Gusubira mu vyagezwe 23-27
No. 1: Gusubira mu vyagezwe 25:1-16
No. 2: Abana bahimbara Imana abo ari bo (lr ikig. 41)
No. 3: g Ni ibintu ibihe dukwiye kubona ko ari vyeranda?
23 Muny. Igisomwa ca Bibiliya: Gusubira mu vyagezwe 28-31
No. 1: Gusubira mu vyagezwe 30:1-14
No. 2: Igituma dukeneye gukora (lr ikig. 42)
No. 3: Wa Mubesheranyi ni we mutware ataboneka w’isi (td 24B)
30 Muny. Igisomwa ca Bibiliya: Gusubira mu vyagezwe 32-34
No. 1: Gusubira mu vyagezwe 32:1-21
No. 2: “Umusi uhambaye [“wa Yehova,” NW]” ni iki? (Zef. 1:14)
No. 3: Abo tuvukana ni bande? (lr ikig. 43)
7 Kig. Igisomwa ca Bibiliya: Yosuwa 1-5
No. 1: Yosuwa 5:1-15
No. 2: Abagenzi bacu bakwiye kuba bakunda Imana (lr ikig. 44)
No. 3: Ubwami bw’Imana n’iki? Twokwerekana gute ko tubushaka? (lr ikig. 45)
14 Kig. Igisomwa ca Bibiliya: Yosuwa 6-8
No. 1: Yosuwa 8:1-17
No. 2: Ukuntu amazi yahoneje isi—Yoba azosubira kuyihonya? (lr ikig. 46)
No. 3: Kubera iki impanuro iri mu Musiguzi 7:21, 22 ari ngirakamaro?
21 Kig. Igisomwa ca Bibiliya: Yosuwa 9-11
No. 1: Yosuwa 9:1-15
No. 2: Ingene dushobora kumenya ko Harumagedoni iri hafi (lr ikig. 47)
No. 3: Wokora iki kugira ngo uzobe mw’isi nshasha y’Imana irimwo amahoro? (lr ikig. 48)
28 Kig. Igisomwa ca Bibiliya: Yosuwa 12-15
Isubiramwo ryo mw’Ishure ry’ubusuku bwa gitewokarasi
[Utujambo tw’epfo]
a Gishingwe abavukanyi gusa, bishobotse abakurambere canke abakozi b’ishengero.
b Gishingwe abavukanyi gusa, bishobotse abakurambere canke abakozi b’ishengero.
c Gishingwe abavukanyi gusa, bishobotse abakurambere canke abakozi b’ishengero.
d Gishingwe abavukanyi gusa, bishobotse abakurambere canke abakozi b’ishengero.
e Gishingwe abavukanyi gusa, bishobotse abakurambere canke abakozi b’ishengero.
f Gishingwe abavukanyi gusa, bishobotse abakurambere canke abakozi b’ishengero.
g Gishingwe abavukanyi gusa, bishobotse abakurambere canke abakozi b’ishengero.